07:55, 02 - تامىز 2023 | GMT +5
قازاقستاندىقتار ايدىڭ ەرەكشە قۇبىلىسىن كورە الدى - فوتو
الماتى. قازاقپارات - تامىزدىڭ 1 ىنەن 2 سىنە قاراعان ءتۇنى قازاقستاندىقتار «سۋپەر ايدىڭ» كورىنىسىن تاماشالاي الدى، دەپ حابارلايدى قازاقپارات ءتىلشىسى.

«سۋپەر اي» قۇبىلىسى - ايدىڭ تولۋى نەمەسە ايدىڭ جاڭارۋى پەريگەي نۇكتەسىنە جەتكەن كەزدە - اي مەن جەر ءبىر- بىرىنە بارىنشا جاقىن كەلگەندە بولادى.
قازاقستاندىقتار تاڭعاجايىپ كورىنىستى كۇن رايى اشىق بولعان جاعدايدا كەز كەلگەن وڭىردەن تاماشالاي الدى.
قازاقپاراتتىڭ الماتىداعى فوتو ءتىلشىسى ەرەكشە كورىنىستى ءتۇسىرىپ الدى.
بۇعان دەيىن 2023 -جىلدىڭ تامىزىندا استرونوميالىق سيرەك وقيعا بولاتىنىن حابارلاعان بولاتىنبىز: ءبىر ايدا - 1 جانە 31-تامىزدا اي ەكى رەت تولادى. بۇل 42 جىلداعى العاشقى قۇبىلىس.