قازاقستاندا ۇشۋ قاۋىپسىزدىگىنىڭ دەڭگەيى دامىعان ەۋروپا ەلدەرىمەن بىردەي - كوميتەت

استانا. قازاقپارات - قازاقستاننىڭ اۆياتسيا اكىمشىلىگى ەلىمىزدىڭ ازاماتتىق اۆياتسيا سالاسىنداعى ايماقتىق كوشباسشىلىعىن كۇشەيتىپ جاتىر، دەپ حابارلايدى قازاقپارات.
None

حالىقارالىق اۆياتسيالىق قوعامداستىق سوڭعى ەكى-ءۇش جىل ىشىندە ازاماتتىق اۆياتسيا كوميتەتى جۇرگىزىپ كەلە جاتقان قازاقستانداعى ازاماتتىق اۆياتسيا سالاسىن باسقارۋدىڭ ەنگىزىلىپ جاتقان تاسىلدەرىن وڭ باعالادى.

مۇنى ي ك ا و مەن ەۋروپا كوميسسياسىنىڭ ساراپشىلارى دا اتاپ ءوتىپ وتىر.

بيىلعى ناۋرىز ايىندا قازاقستاننىڭ اۆياتسيالىق اكىمشىلىگى «Air Transport News Corporate Award» كورپوراتيۆتىك سىيلىعىن الدى.

قازاقستاننىڭ اۆياتسيا اكىمشىلىگى - ءتورت جىل بۇرىن ۇزدىك حالىقارالىق تاجىريبەلەرگە نەگىزدەلگەن ءتيىمدى اۆياتسيالىق ورگان بولۋ ماقساتىمەن قۇرىلعان جاس رەتتەۋشى ورگان.

بۇگىنگى تاڭدا اكىمشىلىك شتاتىندا 150 دەن استام اۆياتسيا ينسپەكتورى بار.

ي ك ا و اۋديتىنىڭ ناتيجەسى بويىنشا ۇشۋ قاۋىپسىزدىگىنىڭ دەڭگەيى دامىعان ەۋروپا ەلدەرىنىڭ دەڭگەيىنە سايكەس كەلەدى.

يرلانديانىڭ اۆياتسيالىق بيلىگىمەن جانە ەۋروپالىق اۆياتسيالىق قاۋىپسىزدىك اگەنتتىگىمەن (EASA) تەحنيكالىق ىنتىماقتاستىق جانە ادامي الەۋەتتى ارتتىرۋ جونىندەگى ءۇشجاقتى كەلىسىم اياسىندا جۇمىس باستالدى.

بۇل ىنتىماقتاستىقتى جۇزەگە اسىرۋ ەلدەگى ۇشۋ قاۋىپسىزدىگىنىڭ دەڭگەيىن ارتتىرۋعا جانە ا ق ش- قا تىكەلەي رەيستەردى ىسكە قوسۋ ءۇشىن FAA جانە يكاو ۇشۋ قاۋىپسىزدىگى اۋديتىنە ءتيىمدى دايىندالۋعا مۇمكىندىك بەرەدى.

حالىقارالىق ىنتىماقتاستىقتى نىعايتۋ ماقساتىندا ۇشۋ قاۋىپسىزدىگىنىڭ دەڭگەيىن ارتتىرۋ بويىنشا سەرىكتەستەرمەن جۇمىس ءجۇرىپ جاتىر.

ق ا ا حالىقارالىق اۋەجايلار كەڭەسى (ACI Europe جانە ACI World)، ۇشۋ قاۋىپسىزدىگى، اۆياتسيالىق قاۋىپسىزدىك جانە جولاۋشىلارعا قىزمەت كورسەتۋ ساپاسى بويىنشا حالىقارالىق اۋە كولىگى قاۋىمداستىعى (IATA)، سونداي-اق اەروناۆيگاتسيالىق قىزمەت كورسەتۋدى جەتىلدىرۋ بويىنشا CANSO جانە EUROCONTROL سياقتى جەتەكشى حالىقارالىق اۆياتسيالىق قاۋىمداستىقتارمەن ىنتىماقتاسا وتىرىپ، سالانىڭ مۇددەسىن قولدايدى.

ق ا ا سونىمەن قاتار ي ك ا و مەن ءارتۇرلى ورىنداردا بەلسەندى جۇمىس ىستەيدى.

«وتكەن جىلى قازاقستان وكىلى ەۋروپا مەن سولتۇستىك اتلانتيكا ايماعىنداعى ي ك ا و اۆياتسيالىق قاۋىپسىزدىك جونىندەگى ارنايى توبى ءتوراعاسىنىڭ ورىنباسارى بولىپ سايلاندى، ال بيىل ءبىز ازاماتتىق اۆياتسيانىڭ باس ديرەكتورلارى كونفەرەنسياسى ءتوراعاسىنىڭ ورىنباسارى لاۋازىمىنا يە بولدىق. ي ك ا و مەن تىعىز ىنتىماقتاستىقتىڭ ناتيجەسىندە ءبىز بولاشاقتا ي ك ا و ستاندارتتارىنا %90 دەيىن سايكەستىككە قول جەتكىزۋدى كورەمىز. بۇگىنگى تاڭدا قازاقستان ي ك ا و ستاندارتتارىنا %82 سايكەس كەلەدى. الداعى ۋاقىتتا ق ا ا اۆياتسيالىق بيلىكتىڭ ايماقتىق كوشباسشىلىعىن جانە ساپالى حالىقارالىق قاتىسۋدى نىعايتا بەرەدى» دەلىنگەن ا ا ك تاراتقان حابارلامادا.

قازاقستاندى ورتالىق ازياداعى ازاماتتىق اۆياتسيانىڭ كوشباسشىسى رەتىندە كورسەتە وتىرىپ، اۆياتسيالىق قاۋىپسىزدىك بويىنشا - AVSEC اۆياتسيالىق قاۋىپسىزدىكتى ۇيلەستىرۋ توبى (6 مەملەكەت) جانە ازاماتتىق اۆياتسيانى باسقارۋ بويىنشا - EACAC ەۋرازيالىق ازاماتتىق اۆياتسيا كونفەرەنسياسى (10 مەملەكەت) بويىنشا ەكى ايماقتىق باستاما ىسكە قوسىلدى.

ۇشۋ قاۋىپسىزدىگى مەن جولاۋشىلار قاۋىپسىزدىگىن قامتاماسىز ەتۋدىڭ تيىمدىلىگى مەن ناتيجەلىلىگىن ارتتىرۋ ءۇشىن باقىلاۋ-قاداعالاۋ قىزمەتىندە ق ا ا بيزنەس-پروتسەستەرىن وڭتايلاندىرۋ مەن سيفرلاندىرۋدى باستاۋ جوسپارلانعان.

1- شىلدەدە ق ا ا اۆياتسيالىق بيلىك ورگاندارىنىڭ قارجىلىق اۆتونومياسىنا قول جەتكىزۋ ءۇشىن ي ك ا و-نىڭ ۇزدىك حالىقارالىق تاجىريبەسى مەن ستاندارتتارىنا سايكەس كەلەتىن قارجىلاندىرۋدىڭ جاڭا مودەلىن ىسكە قوستى.

سوڭعى جاڭالىقتار