استانادا زاڭسىز اشىلعان ءدىني ادەبيەتتەر دۇكەنى انىقتالدى

استانا. قازاقپارات - استانادا ءدىن ىستەرى كوميتەتىنىڭ مەملەكەتتىك ستاندارتىنا سايكەس كەلمەيتىن كىتاپتاردى زاڭسىز ساتۋ فاكتىسى انىقتالدى، دەپ حابارلايدى قازاقپارات پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
None

ەلوردالىق پوليتسيا قىزمەتكەرلەرى جەدەل ءىس-شارالار جۇرگىزۋ كەزىندە «ارتەم» ورتالىق بازارىنىڭ اۋماعىندا ۋاكىلەتتى ورگاننىڭ ءتيىستى رۇقساتىنسىز ادەبيەتتەر دۇكەنى اشىلعانىن انىقتادى.

اتالعان فاكتى بويىنشا ق ر اكىمشىلىك قۇقىق بۇزۋشىلىق تۋرالى كودەكسىنىڭ 490-بابى 1-بولىگى 3-تارماعىن (ءدىني ادەبيەتتى جانە ءدىني مازمۇنداعى وزگە دە ماتەريالداردى، ءدىني ماقساتتاعى زاتتاردى اكەلۋ، ءوندىرۋ، شىعارۋ، باسىپ شىعارۋ جانە (نەمەسە) تاراتۋ) نەگىزگە الا وتىرىپ اكىمشىلىك حاتتاما تولتىرىلدى.

استانا قالاسى پوليتسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ەكسترەميستىك يدەيالاردى ناسيحاتتايتىن تۇلعالاردى، سونداي-اق تىيىم سالىنعان ءدىني ادەبيەتتەردى تاراتۋ فاكتىلەرىن انىقتاۋ ماقساتىندا تۇراقتى تۇردە جەرگىلىكتى رەيدتىك ءىس-شارالار وتكىزىپ تۇراتىنىن ەسكەرتەدى.

سوڭعى جاڭالىقتار