سەكسەن ميلليون دوللاردان باس تارتقان: گولليۆۋدتاعى ەڭ مەيىرىمدى اكتەر كىم؟

دەسەك تە، اتى الەمگە ايگىلى جۇلدىزداردىڭ قاراپايىمدىلىعى ەل اۋزىندا ءجۇر.
Bugin.kz پورتالى كينو وتانى گولليۆۋدتاعى ەڭ تانىمال ءارى ەڭ قاراپايىم اكتەر كيانۋ ريۆز تۋرالى قىزىقتى دەرەك ۇسىنادى.
كوپشىلىككە «ماتريتسا»، «دجون ۋيك» فيلمدەرىندەگى باستى رولىمەن تانىلعان كيانۋدىڭ ادامگەرشىلىگى تۋرالى وقيعالاردى جەلى قولدانۋشىلار اڭىز قىلىپ ايتىپ ءجۇر.
- «ماتريتسا» تۋىندىسى ءساتتى ءتۇسىرىلىپ، ءوز قاراجاتىن اقتادى. باستى ءرولدى سومداعان كيانۋ بولاشاقتا تۇسەتىن گونورارىنان باس تارتىپ، وزىمەن بىرگە جۇمىس ىستەگەن ماماندارعا جۇمساعان. سونىمەن قاتار كاسكادەرلەردىڭ بارىنە «حارلي دەۆيدسون» ماركالى موتوسيكل سىيلاعان.
- 1997 -جىلى گولليۆۋد بۋلۆارىندا سەرۋەندەپ جۇرگەن اكتەر كوشە بويىندا جاتقان ادامدى كورىپ، ونىمەن اڭگىمە- دۇكەن قۇرعان. مۇنداي ءساتتى كيانۋدىڭ فاناتتارى جىبەرىپ السىن با، بىردەن سۋرەتكە ءتۇسىرىپ العان. البەتتە، قازىرگى «تانىمال» ادامدار سەكىلدى كوزبوياۋشىلىق ءۇشىن ىستەگەن بايقالمايدى.
- 36 جاستاعى دجەيمس دەيتور ەسىمدى تۆيتتەر قولدانۋشىسى وقيعاسىن ءبولىستى. ونىڭ ايتۋىنشا، 2001 -جىلى قاراپايىم كينوتەاترلاردىڭ بىرىندە كيانۋ ءريۆزدى كورىپ قالعان. وسى ۋاقىتقا دەيىن اكتەردىڭ قولتاڭباسىن الۋدى ارمانداعان جاس جىگىت ءۇشىن كەرەمەت مۇمكىندىك ەدى. الايدا سول مەزەتتە قالام- قاعاز تابىلماي، اكتەر ءوز جولىمەن كەتكەن. ءبىراز ۋاقىتتان كەيىن قولىنا بالمۇزداق ۇستاپ العان جۇلدىز جىگىتكە قولتاڭباسى قويىلعان قاعاز ۇستاتادى. وقيعانى كەيىن اڭعارعان دجەيمس اكتەردىڭ ءبىر جاپىراق قاعاز ءۇشىن سىرتقى شىعىپ كەتكەنىن تۇسىنەدى.