پوليتسيا قىزمەتكەرى فوتو ءۇشىن قىزدى اياۋسىز سوققىعا جىققان

مادينا (ەسىمى وزگەرتىلدى) سول كۇنگى وقيعانى ۇرەيمەن ەسكە الادى. شىمكەنت تۇرعىنىنىڭ ايتۋىنشا، ماۋسىم ايىندا ونى پوليتسيا قىزمەتكەرى تۋىسىمەن بىرگە جۇمىس ورنىندا قاتتى سوققىعا جىققان. اۋىر سوققىلاردان كەيىن ۋچاسكەلىك پوليتسيا قىزمەتكەرى ونى قىزمەتتىك كولىكپەن قاعىپ كەتكەن. مادينانىڭ بىرنەشە جەرى كوگەرىپ، جاراقاتتار العان.
«مۇنىڭ ءبارى Instagram جەلىسىنەن باستالدى. مەن ونىڭ ايەلىن بىلمەيمىن. ول مەنىڭ پاراقشاما جالعان اتپەن جازىلدى. جاقىندا مەنىڭ تۋعان كۇنىم بولعان، سوسىن بىرگە فوتوعا پوليتسەي جانە بىرنەشە دوسىمەن سۋرەتكە تۇستىك. پوليتسيا قىزمەتكەرى ايەلىنىڭ سۋرەتتەردى كورگەنىن ايتتى ماعان. مەن ايتتىم وعان، سوندا مەنى وتباسىلىق جانجال ءۇشىن مەنى كولىكپەن قاعىپ كەتتىڭىز بە؟»، - دەدى مادينا.
وقيعادان كەيىن جابىرلەنۋشى پوليتسياعا ارىز جازعان. كۇدىكتىگە «دەنساۋلىققا جەڭىل زيان كەلتىرۋ» اكىمشىلىك بابى بويىنشا ءىس قوزعالعان. مادينانىڭ ايتۋىنشا، سوت وتىرىسىندا ايىپتالۋشى ءوز كىناسىن مويىنداماي، كەشىرىم سۇراماي، كۇلىپ وتىرعان.
«كەشە عانا سوتتا ول وتىرىك سويلەدى. مەن ەستىگەنىمدە تاڭ قالدىم! ول قانداي دا ءبىر ەرتەگىلەردى ويلاپ تاپقان. مەن وعان قوڭىراۋ شالىپ، شاقىرعان ەكەنمىن. سوندا ول ماعان قوڭىراۋ شالعانى تۋرالى دالەلدەر كەلتىرۋىم كەرەك پە؟ ول ادۆوكاتتارمەن وسى جاعدايدان قالاي قۇتىلۋعا بولاتىندىعى تۋرالى كەڭەس العان سياقتى. سەبەبى سول كۇنى مۇنىڭ ءبارى بولعان كەزدە ونىڭ باسشىسى ماعان كەلىپ، ءوتىنىش جازباۋىمدى ءوتىندى. ولار شوشىپ كەتتى، بۇل ارەكەت ولارعا داق بولاتىنىن ءبىلدىم. ول مەنى قىزمەتتىك كولىكپەن ادەيى قاعىپ كەتتى»، - دەدى مادينا.
جابىرلەنۋشى جانجالدىڭ سەبەبى پوليتسەيدىڭ ايەلى كۇيەۋىنىڭ مادينامەن بىرگە تۇسكەن سۋرەتىنە دەگەن «قىزعانىش بولۋى مۇمكىن» دەپ كۇدىكتەنەدى. ادۆوكات ءالىمجان ءساتبايدىڭ ايتۋىنشا، ىستە كوپتەگەن شيكىلىكتەر بار. ول پوليتسيا دەپارتامەنتىنىڭ باسشىلىعىنا جۇگىنگەن. الايدا، ازىرگە ناقتى ناتيجەلەر جوق.
«قانداي جاعدايدا جانجال تۋىنداعانى ماڭىزدى ەمەس. نەلىكتەن؟ ويتكەنى كەز كەلگەن جاعدايدا قازاقستاننىڭ كەز كەلگەن ازاماتى قورعاۋعا قۇقىلى. بۇگىندە پوليتسيا قىزمەتكەرى ونى نەگە ۇرىپ-سوعىپ، ودان ءارى قىزمەتتىك كولىكپەن ادامدى قاعىپ كەتكەنىن ءبىلۋ كەرەك. ءبىزدىڭ وتىنىشىمىزدەن كەيىن ءبىر عانا كۋاگەردەن جاۋاپ الىندى»، - دەدى جابىرلەنۋشىنىڭ ادۆوكاتى ءالىمجان ءساتباي.
شىمكەنت پوليتسيا دەپارتامەنتىنىڭ باسپا ءسوز قىزمەتى بۇل وقيعاعا تۇسىنىكتەمە بەردى.
«قازىرگى ۋاقىتتا ازاماتتىڭ ءوتىنىشى بويىنشا ەڭبەكشى ر ۋ ك پوليتسيا قىزمەتكەرىنە شىمكەنت پوليتسيا دەپارتامەنتىنىڭ جەكە قاۋىپسىزدىك باسقارماسىنىڭ قىزمەتكەرلەرى تەكسەرۋ جۇرگىزىپ جاتىر. بۇل دەرەك پوليتسيا دەپارتامەنتىنىڭ باسشىلىعىنىڭ باقىلاۋىندا»، - دەدى شىمكەنت قالاسىنىڭ پوليتسيا دەپارتامەنتىنىڭ باسپا ءسوز قىزمەتى.
جابىرلەنۋشى ماتەريالدىق جانە مورالدىق شىعىندى وتەۋدى تالاپ ەتپەيدى. ول ءىستىڭ ءادىل وتكەنىن عانا قالاپ وتىر.