قازاقستان «تاليباندى» تىيىم سالىنعان قوزعالىستار تىزىمىنەن الىپ تاستاي ما

بۇل تۋرالى سىرتقى ىستەر ءمينيسترىنىڭ ورىنباسارى قانات تۋمىش ءمالىم ەتتى، دەپ حابارلايدى قازاقپارات ءتىلشىسى.
«بۇل ماسەلەنى حالىقارالىق قوعامداستىق، ءبىزدىڭ سەرىكتەستەرىمىز، ارىپتەستەرىمىز ۇيلەستىرەدى. ازىرشە قازىرگى ۋاقىتتا ءتيىستى كەڭەستەر وتكىزىپ جاتىرمىز جانە ۋاق- ۋاق اقپاراتتى جاڭارتىپ وتىرامىز»، - دەدى مينيستر ورىنباسارى ەلوردادا وتكەن بريفينگ بارىسىندا.
ونىڭ اتاپ وتۋىنشە، الداعى ۋاقىتتا استانادا وتەتىن قازاقستان- اۋعانستان بيزنەس فورۋمىنا الەم ەلدەرىنىڭ سانكسيا تىزىمىنە ەنبەگەن قوناقتار كەلەدى.
سوندىقتان ولارعا قانداي دا ءبىر شەكتەۋ شارالارى قولدانىلمايدى. بۇعان قوسا، فورۋمعا كەلۋشىلەردىڭ باسىم بولىگى - ىسكەرلىك ورتا وكىلدەرى، ياعني قاراپايىم ادامدار.
«سونداي- اق «تاليبان» قوزعالىسى ا ق ش، ۇلىبريتانيا سىندى باتىستىڭ ءىرى ەلدەرىنىڭ تەرروريستىك ۇيىمدارعا قاتىستى ۇلتتىق تىزىمىنە كىرمەيدى. بۇل اتالعان ەلدەرگە «تاليبانمەن» ءتۇرلى دەڭگەيدە بايلانىس جاساۋعا مۇمكىندىك بەرەدى. «تاليبان» قوزعالىسى وكىلدەرىمەن كەلىسسوز جۇرگىزىلىپ جاتقان دوحا الاڭى بارىنە بەلگىلى. سوندىقتان بۇل ماسەلەگە زاڭ تۇرعىسىنان كەلۋىمىز كەرەك. دەمەك، ءبىز قانداي دا ءبىر حالىقارالىق نورمانى بۇزىپ وتىرعان جوقپىز»، - دەدى قانات تۋمىش.