16:57, 31 - شىلدە 2023 | GMT +5
مەملەكەت باسشىسى پاكىستان پرەزيدەنتى اريف الۆيگە كوڭىل ايتتى
استانا. قازاقپارات - مەملەكەت باسشىسى پاكىستان پرەزيدەنتى اريف الۆيگە كوڭىل ايتۋ جەدەلحاتىن جولدادى، دەپ حابارلايدى اقوردا.

قاسىم-جومارت توقايەۆ پاكىستان پرەزيدەنتى اريف الۆيگە ەلدىڭ سولتۇستىك-باتىسىندا بولعان لاڭكەستىك شابۋىل سالدارىنان كوپتەگەن ازاماتتىڭ قازا تابۋىنا بايلانىستى كوڭىل ايتۋ جەدەلحاتىن جولدادى.
مەملەكەت باسشىسى قازاقستان حالقىنىڭ جانە جەكە ءوز اتىنان جاقىندارىنان ايىرىلعان وتباسىلارعا قايعىرا كوڭىل ايتتى، سونداي-اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
ەسكە سالا كەتەيىك، پاكىستاندا دجاميات ۋلەما يسلام-فازل (JUI- F) يسلام پارتياسىنىڭ سايلاۋالدى ميتينگى كەزىندە بولعان كۇشتى جارىلىستان 44 ادام قازا تاپقان بولاتىن.