تانىمال ءارتىس ءجۇرسىن ەرماننىڭ جاعدايى تۋرالى ايتىپ، سۋرەتىن جاريالادى

استانا. قازاقپارات - تانىمال ءارتىس ولجاس سىدىقبەك اقىن ءجۇرسىن ەرماننىڭ قازىرگى جاعدايى تۋرالى ايتتى.
None

ونىڭ سوزىنشە، ءجۇرسىن ەرمان ءالى دە ەمىن جالعاستىرىپ جاتىر.

ايتا كەتەيىك، بىلتىر تانىمال ايتىسكەر اقىن ءجۇرسىن ەرمان جانساقتاۋ بولىمىنە تۇسكەن ەدى. مامانداردىڭ سوزىنشە، اقىننىڭ اۋرۋى اسقىنىپ، سەپسيسكە اينالعان ەكەن. كەيىن ونەر يەسى شۆەيتسارياعا ەمدەلۋگە كەتتى.

«ءجۇرسىن اعاعا سالەم بەرە ۇيىنە كەلدىم. حال سۇراسىپ، جاعداي ءبىلىسىپ، ەكى-ءۇش ساعات وتىرىپ اڭگىمەلەستىك. باقىتجامال اپاي داستارحان جايدى. قىزىل-كۇرەڭ ءشاي ۇستىندە وتىرىپ ءبىراز وتكەن-كەتكەندى ەسكە الدىق. اعانىڭ «دەگەن ەكەندەرىن» ايتتىق. ءوزىنىڭ ەسىندە قالماعان، ۇمىتىپ قالعان اڭگىمەلەرىن دە ايتىپ، ەسكە تۇسىردىك. ريزا بوپ، كوڭىلى جادىراپ قالدى. ءجۇرسىن اعا قازىر ەمىن جالعاستىرىپ جاتىر. اپتاسىنا ءۇش رەت 4 ساعاتتان اۋرۋحانادا جاتىپ، پروتسەدۋرالارىن قابىلدايدى ەكەن. اللا شيپاسىن بەرسىن! تەزىرەك ساۋىعىپ كەتۋىن تىلەيمىز!» - دەيدى ولجاس سىدىقبەك.

ءجۇرسىن ەرمان - اقىن، جۋرناليست، قازىرگى ايتىس ونەرىنىڭ ۇيىمداستىرۋشىسى، قازاقستاننىڭ ەڭبەك سىڭىرگەن قايراتكەرى، قازاقستان جازۋشىلار وداعىنىڭ مۇشەسى.

ونىڭ «جانارتاۋ»، «ارايلى كۇن، ارمىسىڭ!»، «ۇلىتاۋعا باردىڭ با...»، «قۇدىرەتكە جۇگىنۋ»، «ەكى تىزگىن، ءبىر شىلبىر»، «قۇستىڭ كولەڭكەسى»، «ىرعاي»، «ارنادىم سىزگە»، «كوكتوبەدەگى كەزدەسۋلەر»، «الىستان جانە جاقىننان»، «گوي-گوي» اتتى كىتاپتارى بار.

ەسكە سالايىق، بۇعان دەيىن تانىمال اقىن ءجۇرسىن ەرمان جانساقتاۋ بولىمىنە تۇسكەنى حابارلانعان بولاتىن. ال كەيىن دارىگەرلەر ءجۇرسىن ەرماننىڭ دەنساۋلىعىنا قاتىستى پىكىر بىلدىرگەن ەدى. سونداي-اق، شۆەيتساريادا ەمدەلىپ جاتقان ءجۇرسىن ەرماننىڭ جاعدايى بەلگىلى بولدى.

كەيىنىرەك شەتەلدە ەم الىپ جاتقان ءجۇرسىن ەرمان الماتىداعى ايتىستاردىڭ بىرىندە كوزگە ءتۇستى.


سوڭعى جاڭالىقتار