پاۆلوداردا الاياقتار تۋرالى ەسكەرتۋ تۇرعىنداردى تاڭعالدىردى

جەرگىلىكتى تاۋار وندىرۋشىلەرمەن جاسالعان كەلىسىمنىڭ ارقاسىندا الاياقتاردان قالاي ساقتانۋعا بولاتىنى جازىلعان جازبا ازىق-تۇلىك ونىمدەرىندە پايدا بولدى.
«بۇل جازبالاردا الاياقتاردىڭ ىقتيمال ارەكەتتەرى تۋرالى اقپارات بەرىلەدى. قازىرگى ۋاقىتتا اتالمىش جۇمىس جۇرگىزىلۋدە جانە ءارى قاراي جالعاستىرىلاتىن بولادى، - دەدى پاۆلودار قالاسى پوليتسيا باسقارماسى باستىعىنىڭ ءبىرىنشى ورىنباسارى ارمان قاپتايەۆ.
پاۆلودارلىقتار پوليتسەيلەردىڭ تاپقىرلىعىن جوعارى باعالادى.
«تاۋار ساتىپ العاندا جازباسىنا مۇقيات قاراڭىزدار. ساقتىق شارالارى تولىق جازىلعان. مۇنداي ەسكەرتۋلەر، ارينە، قاجەت»، - دەدى تۇرعىنداردىڭ ءبىرى.
ەسكەرتۋلەرى بار جادىنامالار «پوليتسيانىڭ قازاقستاندىق سەرۆيستىك مودەلى» پيلوتتىق جوباسى اياسىندا قالا دۇكەندەرىنە دە ورناتىلعان. ءى ءى م قازاقستاندىقتاردى قىراعى بولۋعا شاقىرادى. بوتەن ادامدارعا جەكە دەرەكتەرىڭىزدى، بانك كارتاسى تۋرالى اقپاراتتى جانە موبيلدى قوسىمشالاردىڭ پارولدەرىن بەرمەڭىزدەر!