اپتا ىشىندە بولعان كادرلىق تاعايىنداۋلار

استانا. قازاقپارات - ءوتىپ بارا جاتقان اپتادا ەلىمىزدىڭ ورتالىق جانە جەرگىلىكتى اتقارۋشى ورگاندارىندا ءبىرقاتار ماڭىزدى كادرلىق اۋىس-ءتۇيىس بولدى.
None

قازاقپارات اگەنتتىگى 24-30-شىلدە ارالىعىندا بولعان جاڭا تاعايىنداۋلارعا شولۋ ۇسىنادى.

اپتا باسىندا ق ر دەنساۋلىق ساقتاۋ مينيسترلىگى مەديتسينالىق جانە فارماتسيەۆتيكالىق باقىلاۋ كوميتەتىنىڭ ءتوراعاسى بولىپ نۇرلان زايكەش ۇلى ىسقاقوۆ تاعايىندالدى.

نۇرلان ىسقاقوۆ 1978 -جىلى ومبى قالاسىندا (ر ف) دۇنيەگە كەلگەن. اقمولا مەملەكەتتىك مەديتسينالىق اكادەمياسىن، «تۇران استانا» ۋنيۆەرسيتەتىن، حالىقارالىق بيزنەس اكادەمياسىن، الماتى مەنەدجمەنت ۋنيۆەرسيتەتىن، رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىق جانە مەملەكەتتىك قىزمەت اكادەمياسىن بىتىرگەن.

ەڭبەك جولىن 1998 -جىلى استانا قالالىق جەدەل جاردەم ستانساسىندا مەيىرگەر بولىپ باستاعان. 1999-2002 -جىلدارى استانا قالالىق جەدەل جاردەم ستانساسىنىڭ فەلدشەرى بولىپ جۇمىس ىستەدى. 2002-2007 -جىلدارى - استانا قالاسى دەنساۋلىق ساقتاۋ باسقارماسىنىڭ اپات مەديتسيناسى ءبولىمىنىڭ باس مامانى، اپاتتار مەديتسيناسى ورتالىعىنىڭ ۇيىمداستىرۋ- ادىستەمەلىك ءبولىمىنىڭ باستىعى. 2007-2008 -جىلدارى - وڭتۇستىك قازاقستان وبلىسى دەنساۋلىق ساقتاۋ دەپارتامەنتىنىڭ اۋىلدىق دەنساۋلىق ساقتاۋ ءبولىمىنىڭ باس مامانىنىڭ مىندەتىن اتقارۋشى، باس مامانى. 2008-2009 -جىلدارى - ق ر پرەزيدەنتىنىڭ ءىس باسقارماسى مەديتسينالىق ورتالىعىنىڭ سانيتارلىق- ەپيدەميولوگيالىق قاداعالاۋ باسقارماسىنىڭ ساراپشىسى، ەمدىك- شيپاجايلىق كومەك كورسەتۋدى ۇيىمداستىرۋ باسقارماسىنىڭ جانە ۇيىمداستىرۋ- قۇقىقتىق قامتاماسىز ەتۋ باسقارماسىنىڭ باس ساراپشىسى. 2009-2012 -جىلدارى «س ق- فارماتسيا» ج ش س قۇرىلىمىندا جۇمىس ىستەدى.

2012-2017 -جىلدارى - ق ر پرەزيدەنتىنىڭ ءىس باسقارماسى مەديتسينالىق ورتالىعى اۋرۋحاناسىنىڭ كلينيكالىق- وڭالتۋ كەشەنىنىڭ مەديتسينالىق تەحنولوگيالاردى ەنگىزۋ ءبولىمىنىڭ باسشىسى، «مەديتسينالىق تەحنولوگيالار جانە اقپاراتتىق جۇيەلەر» ا ق پرەزيدەنتى قىزمەتىن اتقاردى. 2017-2020 -جىلدارى - «Kazakh Tourism» ۇلتتىق كومپانياسى» ا ق تۋريستىك باعىتتاردى دامىتۋ دەپارتامەنتىنىڭ ديرەكتورى. 2020 -جىلى - «س ق- فارماتسيا» ج ش س باسقارما ءتوراعاسىنىڭ ورىنباسارى.

2022 -جىلدىڭ تامىز ايىنان باستاپ وسى ۋاقىتقا دەيىن ق ر د س م «س. قايىربەكوۆا اتىنداعى ۇلتتىق عىلىمي دەنساۋلىق ساقتاۋدى دامىتۋ ورتالىعى» ش ج ق ر م ك باسقارما ءتوراعاسىنىڭ ورىنباسارى قىزمەتىن اتقاردى.

مادەنيەت جانە سپورت مينيسترلىگى مادەنيەت كوميتەتىنىڭ ءتوراعاسى بولىپ كۇمىس قارساقباي قىزى سەيىتوۆا تاعايىندالدى.

كۇمىس سەيىتوۆا 1970 -جىلى قاراعاندى وبلىسىندا دۇنيەگە كەلگەن. جەزقازعان پەداگوگتىك ينستيتۋتىن، «بولاشاق» اكادەمياسىن، د. قونايەۆ اتىنداعى ۋنيۆەرسيتەتتى بىتىرگەن.

ەڭبەك جولىن 1987 -جىلى داريا اۋىلى، داريا ستانساسىنداعى جەلىلىك اۋرۋحانادا كىشى مەدبيكە بولىپ باستادى. 1993-1995 -جىلدارى - قازاقستان جاستارى جەزقازعان وبلىستىق كوميتەتىنىڭ ەكىنشى حاتشىسى. 1995-2004 -جىلدارى جەزقازعان وبلىستىق تاريحي- ولكەتانۋ مۋزەيىنىڭ تاريح بولىمىندە كىشى، اعا عىلىمي قىزمەتكەر، ەكسكۋرسوۆود، ديرەكتوردىڭ ورىنباسارى، ديرەكتوردىڭ ءبىرىنشى ورىنباسارى قىزمەتتەرىن اتقاردى. 2004-2005 -جىلدارى - «ق ر ادىلەت ورگاندارى، مەملەكەتتىك جانە وزگە ۇيىمداردىڭ قىزمەتكەرلەرىنىڭ بىلىكتىلىگىن ارتتىرۋ ينستيتۋتى» ج ا ق ادىستەمەلىك، وقۋ- ادىستەمەلىك ورتالىق ءبولىمىنىڭ جەتەكشى مامانى، ۇيىمداستىرۋشىلىق- كادر جۇمىس ءبولىمىنىڭ مەڭگەرۋشىسى.

2005-2017 -جىلدار ارالىعىندا ق ر مادەنيەت جانە سپورت مينيسترلىگى قۇرىلىمىندا باسشىلىق قىزمەتتەردى اتقاردى. 2017-2019 -جىلدارى - ق ر مادەنيەت جانە سپورت مينيسترلىگى زاڭ قىزمەتى دەپارتامەنتىنىڭ ديرەكتورى. 2019-2021 -جىلدارى - ق ر مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى. 2021 -جىلدىڭ ماۋسىمىنان وسى ۋاقىتقا دەيىن ق ر مادەنيەت جانە سپورت مينيسترلىگى مادەنيەت كوميتەتى ءتوراعاسىنىڭ ورىنباسارى قىزمەتىن اتقاردى.

وقۋ-اعارتۋ ءمينيسترىنىڭ بۇيرىعىمەن سەرىك تىلەۋحان ۇلى جارتىبايەۆ تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى بولىپ تاعايىندالدى.

سەرىك جارتىبايەۆ 1981 -جىلى اباي وبلىسىندا تۋعان. س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىن، ۇلى بريتانياداعى ليدس ۋنيۆەرسيتەتىن (University of Leeds) بىتىرگەن.

ەڭبەك جولىن 2003 -جىلى پاۆلودار وبلىسى، پاۆلودار اۋدانىنىڭ روزوۆكا ورتا مەكتەبىندە تاريح جانە گەوگرافيا ءپانىنىڭ ءمۇعالىمى بولىپ باستاعان. 2004-2008 -جىلدارى - پاۆلودار اۋدانىنىڭ «كراسنوارمەيكا اگرارلى- تەحنيكالىق كوللەدجىنىڭ» قوعامدىق پاندەر وقىتۋشىسى جانە ديرەكتوردىڭ تاربيە جونىندەگى ورىنباسارى بولىپ جۇمىس ىستەگەن. 2008-2011 -جىلدارى - پاۆلودار اۋدانى، №1 چەرنورەتسك جالپى ورتا ءبىلىم بەرۋ مەكتەبىنىڭ ديرەكتورى. 2010-2011 -جىلدارى - ەفرەموۆكا جالپى ورتا ءبىلىم بەرۋ مەكتەبى ديرەكتورى. 2011-2016 -جىلدارى - كراسنوارمەيكا اگرارلى- تەحنيكالىق كوللەدجىنىڭ ديرەكتورى.

2012-2014 -جىلدارى - پاۆلودار اۋداندىق ءماسليحاتىنىڭ دەپۋتاتى بولعان. 2016-2017 -جىلدارى استانا قالاسىنداعى Kasipkor Holding تالداۋ جانە كوممۋنيكاتسيالار باسقارماسىنىڭ باستىعى. 2017-2018 -جىلدارى - پاۆلودار قالاسىنداعى «س. تورايعىروۆ اتىنداعى پاۆلودار مەملەكەتتىك ۋنيۆەرسيتەتى كوللەدجىن» باسقارعان. 2018-2020 -جىلدارى - پاۆلودار اۋدانىنىڭ «ەrtis» جوعارى يننوۆاتسيالىق اگرارلىق كوللەدجىنىڭ باسشىسى قىزمەتىن اتقارعان. 2021 -جىلدان باستاپ پاۆلودار وبلىستىق ءماسليحاتىنىڭ دەپۋتاتى بولدى. 2020 -جىلدىڭ قازان ايىنان بۇگىنگە دەيىن پاۆلودار قالاسىنداعى اقپاراتتىق تەحنولوگيالار كوللەدجىنىڭ باسشىسى قىزمەتىن اتقاردى.

سونىمەن بىرگە قورعانىس ءمينيسترى رۋسلان جاقسىلىقوۆ ءبىرقاتار وفيتسەردى قىزمەتكە تاعايىنداۋ جانە جوعارىلاتۋ تۋرالى بۇيرىقتارعا قول قويدى.

اتاپ ايتقاندا، اۋە قورعانىسى كۇشتەرى باس قولباسشىسىنىڭ ورىنباسارى - اۋە قورعانىسى كۇشتەرى باس قولباسشىسى باسقارماسى تىل باس باسقارماسىنىڭ باستىعى پولكوۆنيك رۇستەم مۇراتبەك ۇلى قالىقپايەۆ ق ر قارۋلى كۇشتەرى قارۋ- جاراق باستىعى بولىپ تاعايىندالدى.

پولكوۆنيك تالعات سەرىك ۇلى سىزدىقوۆ اۋە قورعانىسى كۇشتەرى اسكەري ينستيتۋتىنىڭ باستىعى قىزمەتىنەن بوساتىلىپ، اۋە قورعانىسى كۇشتەرى باس قولباسشىسىنىڭ (تاربيە جانە يدەولوگيالىق جۇمىس جونىندەگى) ورىنباسارى - ق ر قارۋلى كۇشتەرى اۋە قورعانىسى كۇشتەرى باس قولباسشىسى باسقارماسىنىڭ تاربيە جانە يدەولوگيالىق جۇمىس باس باسقارماسىنىڭ باستىعى بولىپ تاعايىندالدى.

ق ر قارۋلى كۇشتەرى اۋە قورعانىسى كۇشتەرىنىڭ باس قولباسشىسىنىڭ وكىمىندە تۇرعان پولكوۆنيك تيمۋر تولەگەن ۇلى ەسپاعانبەتوۆ ەكى مارتە كەڭەس وداعىنىڭ باتىرى تالعات بيگەلدينوۆ اتىنداعى اۋە قورعانىسى كۇشتەرى اسكەري ينستيتۋتىنىڭ باستىعى بولىپ تاعايىندالدى.

شتاب باستىعى - شوقان ءۋاليحانوۆ اتىنداعى ق ر قورعانىس مينيسترلىگى اسكەري كوللەدجى باستىعىنىڭ ورىنباسارى پولكوۆنيك بولات كارىم ۇلى وسپانبەكوۆ وسى وقۋ ورنىنىڭ باسشىسى بولدى.

بەلگىلى اكتەر ازامات ساتىبالدى ش. ايمانوۆ اتىنداعى «قازاقفيلم» ا ق پرەزيدەنتى بولىپ تاعايىندالدى.

ازامات ساتىبالدى 1977 -جىلى جامبىل وبلىسى رىسقۇلوۆ اۋدانىندا دۇنيەگە كەلگەن. كوپ بالالى وتباسىندا تۋعان. 1997 -جىلى ت. جۇرگەنوۆ اتىنداعى ونەر اكادەمياسىنا وقۋعا قابىلداندى. 2000 -جىلى ديپلومدىق جۇمىسىن قورعاۋعا قوستاناي وبلىستىق دراما تەاترىنا جىبەرىلدى. ەڭبەك جولىن 2001 -جىلى م. اۋەزوۆ اتىنداعى قازاق مەملەكەتتىك اكادەميالىق دراما تەاترىنان باستاعان.

ازامات ساتىبالدى ۇزاق ۋاقىت م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا ەڭبەك ەتتى، عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىن 3 جىل باسقاردى. بۇگىنگى دەيىن تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى قىزمەتىن اتقاردى.

سونداي-اق «ۇلتتىق كينونى قولداۋ مەملەكەتتىك ورتالىعى» كوممەرتسيالىق ەمەس اكتسيونەرلىك قوعامىنىڭ باسقارما ءتوراعاسى قىزمەتىنە قۇرمانبەك جۇماعالي تاعايىندالدى.

جۇماعالي قۇرمانبەك جۇماعالي ۇلى 1985 -جىلى 27-تامىزدا دۇنيەگە كەلگەن.

2008 -جىلى اباي اتىنداعى قازاق ۇلتتىق پەداگوگيكا ۋنيۆەرسيتەتىن ءتامامداعان.

ماسس-مەديا، تەلەمەنەدجمەنت سالاسىندا جانە جەرگىلىكتى اتقارۋشى ورگانداردا 10 جىلعا جۋىق تاجىريبەسى بار: 2004-2007 -جىلدار ارالىعىندا «قازاقستان» ر ت ر ك» ا ق- دا باعدارلامالاردىڭ جۇرگىزۋشى-رەداكتورى؛ 2007-2013 -جىلدارى «قازاقستان» ر ت ر ك» ا ق اقپاراتتىق باعدارلامالار ديرەكتسياسىنىڭ پروديۋسەرى؛ «حابار» اگەنتتىگى» ا ق قورىتىندى جاڭالىقتار جۇرگىزۋشىسى.

2013-2014 -جىلدار ارالىعىندا قاراعاندى وبلىسى اكىمدىگى باسپا ءسوز قىزمەتىنىڭ باسشىسى، قاراعاندى وبلىسى اكىمىنىڭ كەڭەسشىسى؛ 2014-2015 -جىلدارى «قازاقستان» ر ت ر ك» ا ق اقپاراتتىق-ساراپتامالىق باعدارلامالار ديرەكتسياسىنىڭ ديرەكتورى، «سەنبىلىك كەزدەسۋ» توك-شوۋىنىڭ جۇرگىزۋشىسى؛ 2015 -جىلى «قازاقستان» ر ت ر ك» ا ق ايماقتىق دامىتۋ ديرەكتسياسىنىڭ ديرەكتورى بولعان.

ق. جۇماعالي 2017 -جىلى «الماتى» تەلەارناسى باس ديرەكتورىنىڭ ءبىرىنشى ورىنباسارى؛ 2017-2018 -جىلدارى ماڭعىستاۋ وبلىسى ىشكى ساياسات باسقارماسىنىڭ باسشىسى؛ 2018-2019 -جىلدارى «قازاق راديولارى» ج ش س ديرەكتورى؛ 2019 -جىلدىڭ 10-ماۋسىمىنان باستاپ «قازاقستان «ر ت ر ك» ا ق باسقارما ءتوراعاسىنىڭ ءبىرىنشى ورىنباسارى؛ 2019-2021 -جىلدار ارالىعىندا «استانا» تەلەارناسىنىڭ باس ديرەكتورى بولدى. 2021 -جىلدان باستاپ بۇگىنگى كۇنگە دەيىن «31» مەدياحولدينگىنىڭ باس ديرەكتورى قىزمەتىن اتقاردى.

سولتۇستىك قازاقستان وبلىسىندا ايىرتاۋ، تيميريازيەۆ، اققايىڭ جانە عابيت مۇسىرەپوۆ اۋداندارىنا جاڭادان پروكۋرورلار تاعايىندالدى.

باس پروكۋروردىڭ بۇيرىعىمەن ادىلەت كەڭەسشىسى اسقار كاكىموۆ اققايىڭ اۋدانىنىڭ پروكۋرورى بولدى.

ا. كاكىموۆ ەڭبەك جولىن 2007 -جىلى س ق و شال اقىن اۋدانى پروكۋرورى كومەكشىسىنىڭ مىندەتىن اتقارۋشى لاۋازىمىنان باستادى. ءار جىلدارى م. جۇمابايەۆ، ع. مۇسرەپوۆ اتىنداعى، قىزىلجار جانە شال اقىن اۋداندارى پروكۋرورىنىڭ كومەكشىسى، تەرگەۋ جانە انىقتاۋ زاڭدىلىعىن قاداعالاۋ باسقارماسىنىڭ پروكۋرورى، اعا پروكۋرورى، پەتروپاۆل قالاسى پروكۋراتۋراسى قىلمىستىق قۋدالاۋ ءبولىمىنىڭ باستىعى بولىپ جۇمىس ىستەدى. 2021 -جىلدان باستاپ وسى تاعايىنداۋعا دەيىن پەتروپاۆل قالاسى پروكۋرورىنىڭ ورىنباسارى لاۋازىمىن اتقاردى. پروكۋراتۋرا ورگاندارى قىزمەتىندەگى ءوتىلى - 15 جىل.

ايىرتاۋ اۋدانىنىڭ پروكۋرورى بولىپ اعا ادىلەت كەڭەسشىسى ەرگاش كاريموۆ تاعايىندالدى. پروكۋراتۋرا ورگاندارى قىزمەتىندەگى ءوتىلى - 22 جىل.

ە. كاريموۆ ءوزىنىڭ ەڭبەك جولىن 2000 -جىلى پەتروپاۆل قالاسى پروكۋرورى كومەكشىسىنىڭ مىندەتىن اتقارۋشى لاۋازىمىنان باستادى.

وبلىس پروكۋراتۋراسىنىڭ الدىن الا تەرگەۋ جانە انىقتاۋ زاڭدىلىعىن قاداعالاۋ باسقارماسىنىڭ پروكۋرورى، اعا پروكۋرورى، س ق و پروكۋراتۋراسىنىڭ مەملەكەتتىك ورگاندار قىزمەتىندەگى زاڭدىلىقتى قاداعالاۋ باسقارماسىنىڭ ورىنباسارى، پەتروپاۆل قالاسى پروكۋرورىنىڭ ورىنباسارى، تايىنشا اۋدانىنىڭ پروكۋرورى بولىپ جۇمىس ىستەدى. 2018 -جىلدان باستاپ عابيت مۇسرەپوۆ اتىنداعى اۋدان پروكۋرورىنىڭ لاۋازىمىن اتقاردى.

تيميريازيەۆ اۋدانىنىڭ پروكۋرورى قىزمەتىن ەندى اعا ادىلەت كەڭەسشىسى ەربولات يبرايەۆ اتقارادى. ە. يبرايەۆ 2000 -جىلى س ق و قىزىلجار اۋدانى پروكۋرورىنىڭ كومەكشىسى لاۋازىمىنان ەڭبەك جولىن باستادى. الدىن الا تەرگەۋ جانە انىقتاۋ زاڭدىلىعىن قاداعالاۋ باسقارماسىنىڭ پروكۋرورى، اعا پروكۋرورى، عابيت مۇسرەپوۆ اتىنداعى اۋدان پروكۋرورىنىڭ ورىنباسارى، اققايىڭ جانە شال اقىن اۋداندارىنىڭ پروكۋرورى بولىپ جۇمىس ىستەدى. 2018 -جىلدان باستاپ سولتۇستىك قازاقستان وبلىسى ۋاليحان اۋدانىنىڭ پروكۋرورى لاۋازىمىن اتقاردى. پروكۋراتۋرا ورگاندارى قىزمەتىندەگى ءوتىلى - 23 جىل.

سونداي-اق عابيت مۇسرەپوۆ اتىنداعى اۋداننىڭ پروكۋرورى بولىپ اعا ادىلەت كەڭەسشىسى جاندوس اميروۆ تاعايىندالدى. ج. اميروۆ ءوزىنىڭ ەڭبەك جولىن 1999 -جىلى س ق و اققايىڭ اۋدانى پروكۋرورىنىڭ كومەكشىسى لاۋازىمىنان باستادى.

پەتروپاۆل قالاسى پروكۋرورىنىڭ اعا كومەكشىسى، ايىرتاۋ، شال اقىن، قىزىلجار اۋداندارىنىڭ پروكۋرورىنىڭ ورىنباسارى، س ق و تيميريازيەۆ جانە اقجار اۋداندارىنىڭ پروكۋرورى بولىپ جۇمىس ىستەدى. 2018 -جىلدان باستاپ وسى تاعايىنداۋعا دەيىن س ق و ايىرتاۋ اۋدانى پروكۋرورىنىڭ لاۋازىمىن اتقاردى. پروكۋراتۋرا ورگاندارى قىزمەتىندەگى ەڭبەك ءوتىلى - 23 جىل.

سونداي- اق س ق و ءۋاليحانوۆ اۋدانىندا جاڭا پروكۋرور بولىپ ەركەش وسپانوۆ تاعايىندالدى.

ەركەش وسپانوۆ ەڭبەك جولىن 2007 -جىلى س ق و اققايىڭ اۋدانى پروكۋرورىنىڭ كومەكشىسى لاۋازىمىنان باستادى. اققايىڭ اۋدانى پروكۋرورىنىڭ اعا كومەكشىسى، سولتۇستىك قازاقستان وبلىستىق پروكۋراتۋراسىنىڭ قىلمىستىق پروتسەستى تەرگەپ- تەكسەرۋدەگى زاڭدىلىقتى قاداعالاۋ باسقارماسىنىڭ اعا پروكۋرورى بولىپ جۇمىس ىستەدى. بۇل تاعايىنداۋعا دەيىن 2016 -جىلدان باستاپ س ق و ايىرتاۋ اۋدانى پروكۋرورىنىڭ ورىنباسارى لاۋازىمىن اتقاردى. پروكۋراتۋرا ورگاندارى قىزمەتىندەگى ەڭبەك ءوتىلى - 15 جىل.

اتىراۋ وبلىسىنىڭ سوتتارىنا جاڭا ءتوراعالار مەن سۋديالار تاعايىندالدى.

پرەزيدەنت جارلىعىمەن گۇلجيان مۋتيەۆا اتىراۋ قالاسىنىڭ مامانداندىرىلعان تەرگەۋ سوتىنىڭ ءتوراعاسى بولىپ تاعايىندالدى. گۇلجيان جۇماباي قىزى ەڭبەك جولىن گۋريەۆ حالىقتى الەۋمەتتىك قامسىزداندىرۋ ءبولىمىنىڭ ينسپەكتورى بولىپ باستاعان. كەيىن اتىراۋ قالالىق سوتىندا سوت ءماجىلىسىنىڭ حاتشىسى، اتىراۋ وبلىستىق سوتىنىڭ كەڭسەسىندە باس مامان، اتىراۋ قالالىق سوتىندا كەڭسە مەڭگەرۋشىسى بولعان. ال، 2009 -جىلى پرەزيدەنت جارلىعىمەن اتىراۋ وبلىسى جىلىوي اۋداندىق سوتىنىڭ سۋدياسى لاۋازىمىنا تاعايىندالعان. 2014 -جىلدان بەرى اتىراۋ قالاسىنداعى №2-سوتتىڭ سۋدياسى قىزمەتىن اتقارعان.

ال يندەر اۋداندىق سوتىنىڭ ءتوراعاسى لاۋازىمىنا رۋسلان بايماحانبەتوۆ كىرىستى. رۋسلان بەرىك ۇلى ەڭبەك جولىن وڭتۇستىك قازاقستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا جۇرگىزۋشى بولىپ باستاعان. ودان سوڭ ءار دەڭگەيدەگى سوتتاردا ءىس جۇرگىزۋشى، جەتەكشى جانە باس مامان رەتىندە جۇمىس ىستەگەن. ق ر اسكەري سوتىنىڭ سوت پريستاۆى، اقمولا وبلىسىنداعى اسكەري سوتتىڭ جانە نۇر-سۇلتان قالاسىندا ەسىل اۋداندىق سوتىندا باس مامان قىزمەتىن اتقارعان.

ال 2021 -جىلعى 31-مامىردان بەرى يساتاي اۋداندىق سوتىنىڭ سۋدياسى بولىپ جۇمىس ىستەدى.

سونداي- ا ق تىنىشتىق نۋريموۆا اتىراۋ قالاسىنىڭ №2-سوتىنىڭ سۋدياسى لاۋازىمىنا تاعايىندالدى. ول وسى كەزگە دەيىن اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى بولعان.

نۇرگۇل شاقپاقوۆا اتىراۋ وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ سۋدياسى قىزمەتىن اتقاراتىن بولدى. وسى تاعايىنداۋعا بايلانىستى اتىراۋ وبلىسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنىڭ سۋدياسى قىزمەتىنەن بوساتىلدى.

ۇلىتاۋ وبلىستىق تسيفرلىق تەحنولوگيالار باسقارماسىنىڭ باسشىسى بولىپ ەرلان يانابايەۆ تاعايىندالدى.

ەرلان جۇما ۇلى 1989 -جىلى 20-قاراشادا قىزىلوردا قالاسىندا دۇنيەگە كەلگەن. 2011 -جىلى الماتى ەنەرگەتيكا جانە بايلانىس ۋنيۆەرسيتەتىن «ەسەپتەۋ تەحنيكاسى جانە باعدارلامالىق قامتاماسىز ەتۋ» ماماندىعى بويىنشا بىتىرگەن. ەڭبەك جولىن 2012 -جىلى ق ر كولىك جانە كوممۋنيكاتسيا مينيسترلىگىندە باستاعان. ءار جىلدارى «ۇلتتىق اقپاراتتىق تەحنولوگتار» ا ق تالداۋشىسى، كولىكتىك باقىلاۋ ينسپەكتسياسىنىڭ جەتەكشى مامانى، ق ر ينۆەستيتسيالار جانە دامۋ مينيسترلىگى كولىك كوميتەتىنىڭ ساراپشى، ق ر دەنساۋلىق ساقتاۋ مينيسترلىگى ەلەكتروندىق دەنساۋلىق ساقتاۋدى دامىتۋ دەپارتامەنتىنىڭ اقپاراتتىق تەحنولوگيالار باسقارماسىنىڭ باسشىسى بولىپ جۇمىس ىستەدى.

بۇل لاۋازىمعا دەيىن ە. يانابايەۆ تۇركىستان وبلىسىنىڭ تسيفرلاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسى باسشىسىنىڭ ورىنباسارى بولىپ قىزمەت ەتكەن.

قوستاناي وبلىستىق پروكۋراتۋراسىنىڭ مامانداندىرىلعان تابيعات قورعاۋ پروكۋرورى بولىپ ادىلەت كەڭەسشىسى بولىپ دامير ايشيەۆ تاعايىندالدى.

دامير امانگەلدى ۇلى 1982 -جىلى قوستاناي قالاسىندا تۋعان. پروكۋراتۋرا ورگاندارىنداعى ەڭبەك جولىن 2005 -جىلى قوستاناي اۋدانى پروكۋرورىنىڭ كومەكشىسى بولىپ باستاعان. ءار جىلدارى قوستاناي وبلىسىنىڭ پروكۋراتۋرا ورگاندارىندا ءتۇرلى لاۋازىمداردا جۇمىس ىستەدى. وسى تاعايىنداۋعا دەيىن قوستاناي وبلىسى پروكۋرورىنىڭ اعا كومەكشىسى قىزمەتىن اتقاردى. پروكۋراتۋرا ورگاندارىنداعى جۇمىس ءوتىلى 18 جىلدان اسادى.

ايتا كەتەيىك، تاياۋدا ق ر باس پروكۋرورىنىڭ بۇيرىعىمەن قوستاناي وبلىستىق پروكۋراتۋراسىنىڭ قۇرامىندا مامانداندىرىلعان تابيعات قورعاۋ پروكۋراتۋراسى قۇرىلعان ەدى.

الماتى وبلىسى اكىمىنىڭ وكىمىمەن نۇرباقىت مولداحمەت ۇلى تەڭىزبايەۆ كەگەن اۋدانىنىڭ اكىمى لاۋازىمىنا تاعايىندالدى.

تانىمال سپورتشى نۇرباقىت تەڭىزبايەۆ 1983 -جىلى تۋعان. 2002 -جىلى ق. مۇڭايتپاسوۆ اتىنداعى رەسپۋبليكالىق سپورت كوللەدجىن «دەنە شىنىقتىرۋ جانە سپورت»؛ 2007 -جىلى م. تىنىشبايەۆ اتىنداعى قازاق كولىك جانە كوممۋنيكاتسيالار اكادەمياسىن «كەدەن ءىسى»؛ 2007 -جىلى قازاق سپورت جانە تۋريزم اكادەمياسىن «دەنە شىنىقتىرۋ مادەنيەتىنىڭ وقىتۋشىسى، كۇرەس جاتتىقتىرۋشىسى»؛ 2009 -جىلى م. تىنىشبايەۆ اتىنداعى قازاق كولىك جانە كوممۋنيكاتسيالار اكادەمياسىن «كولىكتى پايدالانۋ جانە تاسىمالداۋدى، قوزعالىستى ۇيىمداستىرۋ»؛ 2014 -جىلى قازاق سپورت جانە تۋريزم اكادەمياسىن «پەداگوگيكا عىلىمىنىڭ ماگيسترى» ماماندىقتارى بويىنشا بىتىرگەن.

ەڭبەك جولىن 2001 -جىلى ق ر گرەك- يم كۇرەس فەدەراتسياسىنىڭ سپورت- نۇسقاۋشىسى بولىپ باستاعان. ءار جىلدارى استانا قالاسىنداعى ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ گرەك- ريم كۇرەسىنەن سپورت- نۇسقاۋشى، ق ر ىشكى ىستەر ورگاندارىندا، الماتى قالاسىنىڭ دەنە شىنىقتىرۋ جانە سپورت باسقارماسىنىڭ №12-وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر مەكتەبىنىڭ ادىسكەرى، ديرەكتوردىڭ وقىتۋ- سپورت جۇمىستارى بويىنشا ورىنباسارى، الماتى وبلىستىق جوعارى سپورت شەبەرلىگى مەكتەبىنىڭ ديرەكتورى قىزمەتتەرىن اتقارعان.

2018 -جىلدىڭ قازان ايىنان الماتى وبلىسىنىڭ دەنە شىنىقتىرۋ جانە سپورت باسقارماسى باسشىسى لاۋازىمىن اتقارىپ كەلەدى.

نۇرباقىت مولداحمەت ۇلى گرەك-ريم كۇرەسىنىڭ پالۋانى، جاستار اراسىندا الەم چەمپيونى (ىستانبۇل، 2003 -جىل)، 2008 -جىلعى بەيجىڭ وليمپياداسىنىڭ كۇمىس جۇلدەگەرى، 2009 -جىلعى الەم چەمپيوناتىنىڭ قولا جۇلدەگەرى، ازيانىڭ ەكى دۇركىن چەمپيونى، قازاقستاننىڭ ەڭبەك سىڭىرگەن سپورت شەبەرى. «قۇرمەت» وردەنىنىڭ يەگەرى.

تۇركىستان قالاسىنىڭ پروكۋرورى بولىپ كاۋكەن باقتىباي ۇلى نارىكبايەۆ تاعايىندالدى.

كاۋكەن باحتىباي ۇلى نارىكبايەۆ 1982 -جىلى تۋعان. ەڭبەك جولىن 2005 -جىلدىڭ قاڭتار ايىندا وڭتۇستىك قازاقستان وبلىسى كەنتاۋ قالاسى پروكۋرورىنىڭ كومەكشىسى قىزمەتىنەن باستاعان. ءار جىلدارى باسقارما باستىعىنىڭ ورىنباسارى، شىمكەنت قالاسى اباي اۋدانى پروكۋرورىنىڭ ورىنباسارى، وتىرار جانە ورداباسى اۋداندارىنىڭ پروكۋرورى قىزمەتتەرىن اتقارعان.

قىزىلوردا وبلىسى اكىمىنىڭ ورىنباسارى قىزمەتىنە مەيرامبەك زينابدين ۇلى شەرماعانبەت تاعايىندالدى.

مەيرامبەك شەرماعانبەت 1972 -جىلى دۇنيەگە كەلگەن. قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «تاريح»، «ەكونوميكا»، قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىن «قۇقىق تانۋ» ماماندىقتارى بويىنشا بىتىرگەن. پەداگوگيكا عىلىمدارىنىڭ كانديداتى.

ەڭبەك جولىن 1994 -جىلى جاڭاقورعان اۋدانىنداعى № 239-ورتا مەكتەبىنىڭ تاريح ءپانىنىڭ ءمۇعالىمى بولىپ باستاعان. 1995-2004 -جىلدارى مەكتەپ ديرەكتورىنىڭ تاربيە ءىسى جونىندەگى ورىنباسارى، جاڭاقورعان اۋدانى اكىمى اپپاراتىنىڭ ءبولىم باسشىسى، اپپارات باسشىسى بولدى. 2004-2016 -جىلدارى قىزىلوردا وبلىسى اكىمى اپپاراتى باسشىسىنىڭ ورىنباسارى، وبلىستىق ءبىلىم بەرۋ، تىلدەردى دامىتۋ جونىندەگى باسقارمالارىنىڭ، قىزىلوردا وبلىسى بويىنشا ءبىلىم سالاسىنداعى باقىلاۋ دەپارتامەنتىنىڭ باسشىسى قىزمەتتەرىن اتقارعان. 2016-2021 -جىلدارى اقتوبە وبلىسى قوبدا اۋدانىنىڭ اكىمى، اقتوبە وبلىسى اكىمىنىڭ ورىنباسارى بولعان. 2022 -جىلدىڭ-شىلدە ايىنان وسى كەزگە دەيىن قىزىلوردا وبلىستىق ءبىلىم باسقارماسىنىڭ باسشىسى قىزمەتىن اتقارىپ كەلدى.

قىزىلوردا وبلىسى ءدىن ىستەرى باسقارماسىنىڭ باسشىسى بولىپ دىنمۇحامەد جانداربەك ۇلى ەرمەكوۆ تاعايىندالدى.

د. ەرمەكوۆ 1992 -جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىندە «قۇقىق تانۋ» جانە «قارجى» ماماندىقتارى بويىنشا ءبىلىم العان. ەڭبەك جولىن 2014 -جىلى «پاراسات سناب» جاۋاپكەرشىلىگى شەكتەۋلى سەرىكتەستىگىنىڭ زاڭگەرى رەتىندە باستاعان. 2014-2015 -جىلدارى الماتى وبلىسى جامبىل اۋدانىنىڭ ىشكى ساياسات بولىمىندە، ءماتىبۇلاق اۋىلدىق وكرۋگى اكىمى اپپاراتىندا، يندۋستريالىق دامۋ جانە ونەركاسىپتىك قاۋىپسىزدىك كوميتەتى الماتى قالاسى بويىنشا دەپارتامەنتىندە باس مامان قىزمەتىندە ەڭبەك ەتتى.

2015-2018 -جىلدارى ق ر ينۆەستيتسيالار جانە دامۋ، ۇلتتىق ەكونوميكا، قورعانىس جانە جانە اەروعارىش ونەركاسىبى مينيسترلىكتەرىندە ساراپشى، باس ساراپشى رەتىندە جۇمىس اتقاردى. 2018-2021 -جىلدارى ق ر پرەمەر- ءمينيسترى كەڭسەسىنىڭ باس كونسۋلتانتى، باس ساراپشىسى، پرەزيدەنت اكىمشىلىگىنىڭ ساراپشىسى، كونسۋلتانتى جاۋاپتى قىزمەتتەرىندە بولعان. 2023 -جىلدىڭ اقپان ايىنان باستاپ قىزىلوردا قالاسى اكىمىنىڭ ورىنباسارى قىزمەتىن اتقارىپ كەلدى.

اۆتور:

ايجان سەرىكجان قىزى


سوڭعى جاڭالىقتار