قازاقستان نارىعىندا قىتاي اۆتوموبيلدەرىنىڭ سانى ارتىپ كەلەدى - شەتەلدەگى قازاق باسپا ءسوزى

استانا. قازاقپارات - «قازاقپارات» ح ا ا شەت ەلدەردە قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
None
None

قازاقستاندا «وزبەك ۇلگىسى» نەگىزىندە ءپىللا شارۋاشىلىعى مەن تۇت اعاشىن ءوسىرۋ دامىتىلماق - «ءوز ا»


قازاقستان رەسپۋبليكاسىنداعى «قازاق جىبەك ءوندىرىس» بىرلەستىگىنىڭ باسشىسى سۇلتان باكىروۆ باستاعان تۇركىستان وبلىسىنىڭ اۋدان اكىمدەرى مەن ءبىر توپ كاسىپكەردەن قۇرالعان دەلەگاتسيا ءاندىجان وبلىسى «جىبەك كوشەت» كلاستەرىندە بولدى، دەپ حابارلايدى «ءوز ا» اقپارات اگەنتتىگى.

وزبەكستاندىق ب ا ق-تىڭ مالىمەتىنشە، قوناقتار مۇندا تۇت اعاشى مەن جىبەك شارۋاشىلىعىنىڭ «وزبەك ۇلگىسىن» قازاقستاندا تاجىريبەدە قولدانۋ، ىنتىماقتاسا تۇت پلانتاتسيالارىن قۇرۋ، جىبەك ءوسىرۋ ءداستۇرىن قالپىنا كەلتىرۋ ماقساتىندا كەلگەن.

«ساپار بارىسىندا «وزبەكيپاكسانوات» بىرلەستىگىمەن الداعى ۋاقىتتاعى ىنتىماقتاستىق ماسەلەلەرىن، جىبەك قۇرتىن ءوسىرۋدىڭ زاماناۋي ادىستەرىن ەنگىزۋگە ساراپشىلار توبىن تارتۋ قاراستىرىلعان»، دەپ جازادى «ءوز ا».

قازاقستان نارىعىندا قىتاي اۆتوموبيلدەرىنىڭ سانى ارتىپ كەلەدى - «حالىق» گازەتى


قىتايلىق اۆتوموبيلدەر قازاقستان نارىعىندا كوبەيىپ كەلەدى.

«حالىق» گازەتى بۇل اقپاراتتى «Inbusiness.kz» - كە سىلتەمە جاساپ حابارلاعان. قىتايلىق ب ا ق-تىڭ دەرەگىنشە، ستاتيستيكا مۇنى راستاپ وتىر. سەبەبى بيىلدىڭ العاشقى بەس ايىندا قازاقستان قىتايدان 16333 اۆتوموبيل يمپورتتادى. بۇل 2022 -جىلمەن (12500) سالىستىرعاندا الدەقايدا كوپ.

«وسىدان قىتاي قازىر قازاقستاندىق اۆتوموبيل نارىعىنىڭ نەگىزگى جەتكىزۋشى ەلىنە اينالعانىن بايقاۋعا بولادى»، دەپ جازعان «حالىق» گازەتى.

ايگىلى اكتەر كريستيان بەيل باتىس موڭعولياعا ساياحاتتادى - «Kaznews»

ايگىلى اكتەر كريستيان بەيل شىلدە ايىندا باتىس موڭعوليادا ساياحاتتاپ، كوشپەندىلەردىڭ سالت- داستۇرىمەن تانىسىپ قايتتى، دەپ جازادى موڭعوليالىق «Kaznews».

موڭعوليالىق باسىلىمنىڭ دەرەگىنشە، كريستيان چارلز فيليپ بەيل (1974 -جىلى ۇلى بريتانيا تۋعان) - اعىلشىن اكتەرى. العاشقى كينوكارەراسىن تاۋەلسىز شاعىن جوبالاردان باستاعان.

بەيل 13 جاسىندا ستيۆەن سپيلبەرگتىڭ «كۇن يمپەرياسى» فيلمىندە ويناعان رولىندە العاش رەت كورەرمەن كوزىنە تۇسكەن. 2000 -جىلى «امەريكالىق ەسالاڭ» كارتيناسىندا قانىشەر پاتريك بەتمەندى سومداعاندا كينو سىنشىلار نازارىنا ىلىكتى.

ايتا كەتەيىك، كريستيان بەيل كريستوفەر نولان رەجيسسەرلىك ەتكەن «بەتمەن: باستاما»، «قارا سەرى» جانە «قارا سەرى: جاندانۋ» تريلوگياسىندا بريۋس ۋەين/بەتمەندى ويناعاننان كەيىن كوپشىلىككە تانىلا باستاعان. بەيل سىنشىلاردان جاقسى باعا الىپ جانە بىرنەشە ماراپاتتارعا يە بولدى، سونىڭ ىشىندە ءبىرىنشى رەت «ەكىنشى پلانداعى ۇزدىك ەر ادام ءرولى» نوميناتسياسى بويىنشا وسكار جانە التىن گلوبۋس سىيلىقتارىنىڭ يەگەرى اتاندى. سونداي-اق «ەكىنشى پلانداعى ۇزدىك ەر ادام ءرولى» ءۇشىن ا ق ش گيلديا كينواكتەرلەر سىيلىعىمەن ماراپاتتالعان.

2013 -جىلى «امەريكالىق سەرگەلدەڭ» درامالىق كومەدياسىندا وينادى، سول ءۇشىن بەيل ەكىنشى رەت وسكار نوميناتسياسىنا ىلىكتى.

سونداي-اق وسى اپتادا «Kaznews» «شىلدە ايىندا موڭعولياعا 76,559 تۋريست كەلگەن» دەگەن اقپارات جاريالادى.

بيىل موڭعوليا 1 ميلليون تۋريست قابىلداۋدى جوسپارلاعان. 2023 -جىلدىڭ جەتى ايىندا موڭعولياعا دەمالۋعا 325,174 تۋريست كەلگەن.

موڭعوليالىق ب ا ق-تىڭ دەرەگىنشە، قازاقستان، رەسەي، وڭتۇستىك كورەيا، قىتاي جانە جاپونيا ازاماتتارى قاڭتار ايىنان باستاپ موڭعولياعا كەلگەن توپ -5 مەملەكەت تۋريستەرى قاتارىنا ەنگەن.

انكارا قالاسىندا قازاق شەبەرلەرىنىڭ كورمەسى اشىلدى - «TRT»


تۇركيانىڭ استاناسى انكارا قالاسىندا قازاق كورمەسى اشىلدى. اتالعان كورمەدە استانا، الماتى جانە تالدىقورعان قالالارىنان قاتىسقان قولونەر شەبەرلەرى ءوز بۇيىمدارىن تانىستىردى.

بۇل تۋرالى وسى اپتادا تۇركيا راديو تەلەۆيزيا پورتالى حابارلادى.

تۇركيالىق ب ا ق-تىڭ مالىمەتىنشە، كورمەنى قازاقستان ەلشىلىگى، حالىقارالىق تۇرىكسوي ۇيىمى، «كوك تۋ» قازاق مادەنيەتى قوعامى مەن دۇنيەجۇزى قازاقتارىنىڭ دامۋ قورى بىرىگىپ وتكىزگەن.

ايتا كەتۋ كەرەك، «قازاق قولونەرشىلەرىنىڭ كورمەسى» تۇركيا رەسپۋبليكاسىنىڭ 100 جىلدىعىنا جانە تۇرىكسوي- دىڭ 30 جىلدىعىنا، قازاقتىڭ بەلگىلى زيالىسى تەمىربەك جۇرگەنوۆتىڭ 125 جىلدىعىنا، سونىمەن بىرگە تۇركيا مەن قازاقستان مەملەكەتتەرى اراسىنداعى ىنتىماقتاستىقتىڭ 31 جىلدىعىنا وراي ۇيىمداستىرىلعان بولاتىن.

سونىمەن قاتار وسى اپتادا تۇركيا راديو تەلەۆيزيا پورتالىندا «انكارادا قازاق مۋلتفيلمى» دەگەن تاقىرىپتاعى اقپارات جاريالاندى.

اتالعان باسىلىمنىڭ دەرەگىنشە، بۇل مادەني شارا تۇركيا رەسپۋبليكاسىنىڭ قۇرىلعانىنا جانە قازاق انيماتسيالىق كينو ونەرىنىڭ نەگىزىن قالاۋشى رەجيسسەر، سۋرەتشى، ستسەناريست امەن قايداردىڭ تۋعانىنا 100 جىل تولۋىنا وراي انكارادا وتكىزىلگەن.

ءىس-شارانى «قازاقانيماتسيا» شىعارماشىلىق بىرلەستىگى، قازاقستان ەلشىلىگى مەن تۇركى تاريحى جانە مادەنيەتى قورى بىرلەسە ۇيىمداستىرعان.

بۇل جولى امەن قايداردىڭ «قارلىعاشتىڭ قۇيرىعى نەگە ايىر؟» جانە شاكىرتتەرىنىڭ 4 تۋىندىسى كىشكەنتاي كورەرمەنگە ۇسىنىلدى.

«شاراعا تۇركيانىڭ باس قالاسىندا تۇراتىن قازاق اعايىندار بالالارىمەن بىرگە كەلدى. جاس كورەرمەندەر مەن ولاردىڭ اتا- انالارى قازاق مۋلتفيلمدەرىنە قىزىعۋشىلىق تانىتتى»، دەپ تۇيىندەيدى تۇركيالىق باسىلىم.


«كورەي تولقىنى» موڭعولياعا اعىلۋدا - «Kaznews»


كورەي پوپ- مۋزىكاسى، تەلەسەريالدارى مەن فيلمدەرى بەينەلەنگەن «كورەي تولقىنى» مادەنيەتى سوڭعى 20 جىلدا موڭعولياداعى كوپتەگەن جاس جانكۇيەردىڭ بەلسەندى قولداۋىنا يە بولدى، دەپ جازادى «Kaznews».

اتالعان باسىلىمنىڭ مالىمەتىنشە، موڭعول تەلەارنالارىندا ءتول باعدارلامالار از، ال قالعان ۋاقىتتىڭ باسىم بولىگىندە ساتىپ الىنعان كورەي تەلەحيكايالارى مەن فيلمدەر كورسەتىلەدى. وسىدان كورەيا جۇلدىزدارىنىڭ موڭعوليادا تانىمالدىلىعى ارتقان.

«بۇگىنگى تاڭدا جانكۇيەرلەردىڭ ادال قولداۋىنا يە بولعان كورەيالىق جۇلدىزدار موڭعولياعا ءجيى ساياحاتتاپ كەلۋدە. بۇل موڭعوليا ءۇشىن تەگىن جارناما بولماق. ويتكەنى كورەيالىق جۇلدىزداردىڭ الەۋمەتتىك جەلىدە ميلليونداعان جازىلۋشىلارى بار»، دەيدى موڭعوليالىق ب ا ق.

استانا قالاسىندا الىشەر ناۋاي ءمۇسىنى ورناتىلدى - «ءوز ا»


وزبەكستان ونەر اكادەمياسىنىڭ حابارلاۋىنشا، 2022 -جىلعى 29-شىلدەدە تاشكەنتتە وزبەكستان مەن قازاقستاننىڭ سىرتقى ىستەر مينيسترلەرى «وزبەكستان رەسپۋبليكاسى مەن قازاقستان رەسپۋبليكاسى اراسىنداعى ديپلوماتيالىق قارىم-قاتىناستىڭ ورناعانىنا 30 جىل تولۋىن كەڭىنەن اتاپ ءوتۋ جونىندەگى بىرلەسكەن ءىس-شارالار جوسپارىن» ازىرلەپ، بەكىتكەن.

وسى بىرلەسكەن جوسپار بويىنشا قازاقستان رەسپۋبليكاسىنىڭ باس قالاسى استانا قالاسىندا ءسوز زەرگەرى الىشەر ناۋايدىڭ ءمۇسىنىن ورناتۋ كوزدەلگەن بولاتىن، دەپ جازادى «ءوز ا».

وزبەكستاندىق باسىلىمنىڭ كەلتىرگەن مالىمەتىنە سۇيەنسەك، 2022 -جىلدىڭ 20-جەلتوقسانىندا بۇل تاپسىرماعا بايلانىستى وزبەكستان رەسپۋبليكاسى مينيسترلەر كابينەتىنىڭ ءتيىستى قاۋلىسى قابىلدانىپ، وزبەكستان كوركەمسۋرەت اكادەمياسىنا قولا ءمۇسىندى جاساپ، مەجەلى جەرگە جەتكىزۋ مىندەتى جۇكتەلگەن.

كۇنى كەشە استانا قالاسىندا ۇلى ويشىل الىشەر ناۋايدىڭ ءمۇسىنى ورناتىلدى.

ايتا كەتۋ كەرەك، بيىكتىگى ءتورت مەتردەن اساتىن بۇل ەسكەرتكىشتىڭ وزبەكستاننىڭ حالىق سۋرەتشىسى، ءمۇسىنشى جاسۆانت اننازاروۆ جاساعان.

«ءوز ا» -نىڭ دەرەگىنشە، الىشەر ناۋاي ءمۇسىنى بۇعان دەيىن توكيو، شانحاي، ۆاشينگتون، ماسكەۋ، مينسك، باكۋ، مازاري-شاريف، وش، دۋشانبە، سەۋل قالالارىندا ورناتىلعان.

اۆتور:

بەيسەن سۇلتان


سوڭعى جاڭالىقتار