ەلوردادا جولاۋشى جانە جۇك تاسىمالىنىڭ جاڭا ەرەجەسى ازىرلەندى

بۇل تۋرالى قالالىق كولىك جانە جول-كولىك ينفراقۇرىلىمىن دامىتۋ باسقارماسى باسشىسىنىڭ ورىنباسارى ەرجان ديحانبايەۆ ءمالىم ەتتى، دەپ حابارلايدى قازاقپارات ءتىلشىسى.
«بۇعان دەيىن جولاۋشىلار مەن جۇك تاسىمالداۋدىڭ قاعيدالارىن ۇكىمەت بەكىتىپ كەلدى. الايدا، بيىل 1- شىلدەدەن باستاپ بۇل فۋنكتسيا ەلوردانىڭ جەرگىلىكتى اتقارۋشى ورگانىنا بەرىلدى. وسىعان بايلانىستى كولىك جانە جول-كولىك ينفراقۇرىلىمىن دامىتۋ باسقارماسى ەلوردادا اۆتوموبيلمەن جولاۋشىلار جانە جۇك تاسىمالداۋدىڭ جاڭا ەرەجەلەرىن ازىرلەدى»، - دەدى ەرجان ديحانبايەۆ قالالىق ءماسليحاتتىڭ قوعامدىق كەڭەس وتىرىسىندا.
سونداي-اق، كولىك باسقارماسىنىڭ وكىلى قوعامدىق كەڭەس مۇشەلەرىنەن اتالعان ەرەجەلەر جوباسىن ماقۇلداۋدى سۇرادى.
«جەرگىلىكتى اتقارۋشى ورگانعا تاسىمالداۋ قاعيدالارىن بەكىتۋ فۋنكتسياسىن بەرۋ جولاۋشىلار كولىگى جانە كولىك ينفراقۇرىلىمى سالاسىندا ءتيىمدى شەشىمدەر قابىلداۋعا مۇمكىندىك بەرەدى. اتاپ ايتقاندا، جاڭا وزگەرىستەر ەنگىزۋ كەزىندە كەلىسۋ ساتىلارىن قىسقارتۋ، جاڭا ەلەمەنتتەردى ەنگىزۋ، قازىرگى ۋاقىتتا قالاعا قاجەتتى جولاۋشىلار كولىگى سالاسىندا جەدەل شارالار قابىلداۋ»، - دەيدى ول.