بالكوندا تەمەكى شەگۋگە بولا ما؟

استانا. قازاقپارات - قازاقستاندا تەمەكى شەگۋگە بولاتىن جانە بولمايتىن جەرلەر تۋرالى ەرەجەلەر جيىنتىعى بار.
None

ال تەمەكى شەگەتىن ادامنىڭ كورشىسى بولساڭىز شە؟ بۇل جاعدايدا ءسىزدى زاڭ قورعاي ما؟ سۇراققا زاڭگەر نادەجدا گەلدت جاۋاپ بەرەدى، - دەپ حابارلايدى Tengri Life.

«پراۆو زنات» Telegram-ارناسى اۆتورىنىڭ ايتۋىنشا، ەگەر نىسان قوعامدىق كەڭىستىكتىڭ ءبىر بولىگى بولسا، بالكوندا تەمەكى شەگۋگە تىيىم سالىنادى.

«ەگەر بۇل كىرەبەرىستەگى اشىق، قاپتالماعان بالكوندار، ياعني قوعامدىق ورىن بولسا، تەمەكى ونىمدەرىن پايدالانعان تۇلعالارعا اكىمشىلىك جاۋاپكەرشىلىك قولدانىلادى»، - دەيدى زاڭگەر.

قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 441-بابىندا قوعامدىق ورىنداردا تەمەكى شەگۋگە تىيىم سالۋدى بۇزعانى ءۇشىن اكىمشىلىك جاۋاپكەرشىلىك كوزدەلگەن. سونىمەن، بەلگىلەنبەگەن جەردە تەمەكى شەككەنى ءۇشىن - 15 ا ە ك (51750 تەڭگە) كولەمىندە ايىپپۇل سالىنادى. ال ەگەر زاڭبۇزۋشىلىق جىل ىشىندە قايتالانسا، وندا ايىپپۇل 20 ا ە ك (69000 تەڭگە) دەيىن وسەدى.

«ۇيدەگى بالكوندارعا كەلەتىن بولساق، زاڭعا سايكەس ولاردا تەمەكى شەگۋگە تىيىم سالىنبايدى، ويتكەنى بالكون جەكەمەنشىك بولىپ تابىلادى. سوندىقتان، كورشىلەردىڭ تەمەكى شەككەنىنەن جاعىمسىز ءيىس شىعىپ، ول ءسىزدى مازالايتىن بولسا، ماسەلەنى ءوزىڭىز، جاعدايدى ءتۇسىندىرۋ ارقىلى شەشە الاسىز»، - دەپ تۇيىندەدى ول.

سوڭعى جاڭالىقتار