جاساندى ينتەللەكت قازاقشا تۇسىنەدى

استانا. قازاقپارات - بۇگىن ش. شاياحمەتوۆ اتىنداعى «ءتىل-قازىنا» ۇلتتىق عىلىمي- پراكتيكالىق ورتالىعىنىڭ باس ديرەكتورى ماقپال جۇماباي مەن «Speech Lab» ج ش س ديرەكتورى جۇلدىز تاتاگۋلوۆا بىرنەشە ايدان بەرى جۇرگىزىلىپ كەلە جاتقان كەلىسسوزدەردىڭ ناتيجەسىندە ىنتىماقتاستىق تۋرالى مەموراندۋمعا قول قويدى، دەپ حابارلايدى قازاقپارات.
None
Фото: «Тіл-Қазына» ұлттық ғылыми-практикалық орталығы баспасөз қызметі

«Speech Lab» - جاساندى ينتەللەكتىنى ەلىمىزدىڭ اۋديتورياسىنا بەيىمدەۋ بويىنشا ۇلكەن باستامالاردى جۇزەگە اسىرىپ كەلە جاتقان كومپانيا.

اتالعان كومپانيا مەن «ءتىل-قازىنا» ورتالىعى قازاق ءتىلىن تانۋعا قابىلەتتى جاساندى ينتەللەكتىنى جانە سويلەۋ سينتەزىن دامىتۋعا بىرلەسە كۇش سالادى. بۇل - قازاق ءتىلىن عىلىم تىلىنە اينالدىرۋ بويىنشا اتقارىلىپ جاتقان ەڭ ۇلكەن قادامداردىڭ ءبىرى. دەمەك، بولاشاقتا «Siry»، «اليسا» سىندى دىبىس كومەكشىلەرى قازاق تىلىندە ايتىلعان بارلىق اقپاراتتى ساپالى وڭدەپ، تالداي الادى. باستاما جۇزەگە اسقاننان كەيىن مۇنى مەملەكەتتىك مەكەمەلەر مەن بيزنەس سالاسىندا دا كەڭىنەن قولدانۋعا بولادى. بۇل قىزمەت كورسەتۋ سالاسىن وڭتايلاندىرۋعا، مەملەكەتتىك ءتىلدىڭ قولدانىس اياسىن كەڭەيتۋگە مۇمكىندىك بەرەدى.

مۇنداي ۇلكەن جوبانىڭ ءساتتى جۇزەگە اسۋى ءۇشىن اسا ۇلكەن كولەمدەگى ساپالى كونتەنت قاجەت. سايكەسىنشە، مۇنداي اۋقىمدى كونتەنتپەن قامتاماسىز ەتۋ مىندەتىن «ءتىل-قازىنا» ورتالىعى جۇزەگە اسىرادى.

سوڭعى جاڭالىقتار