بيىل وڭىرلەرگە قانشا دارىگەر جىبەرىلدى

«دەنساۋلىق ساقتاۋ مينيسترلىگىنىڭ ءبىلىم جانە عىلىم ۇيىمدارى تۇلەكتەرىن الدىن الا ءبولۋ جونىندەگى كوميسسيانىڭ شەشىمىمەن تاپشىلىقتى تومەندەتۋ ماقساتىندا جىل باسىنان بەرى وڭىرلەرگە ءبىلىم جانە عىلىم ۇيىمدارىنىڭ 3339 تۇلەگى ءبولىندى، ونىڭ 911 ءى اۋىلدارعا بارادى»، - دەپ اتاپ ءوتتى مينيسترلىكتەن اگەنتتىكتىڭ رەسمي ساۋالىنا وراي.
ۆەدومستۆونىڭ ناقتىلاۋىنشا، دارىگەرلەر ماماندىقتارى بويىنشا بىلاي ءبولىندى: جالپى تاجىريبە دارىگەرى – 1904، قوعامدىق دەنساۋلىق ساقتاۋ دارىگەرى – 204، ينفەكتسيونيست – 54، انەستەزيولوگ-رەانيماتولوگ – 195، حيرۋرگ – 16، ونكولوگ – 50، پۋلمونولوگ – 15، پەدياتور – 76، تەراپيەۆت – 32، نەونوتولوگ - 40.
«وڭىرلەرگە كادر تارتۋ ماقساتىندا رەزيدەنتۋرادا ماماندار دايىنداۋ ءۇشىن مەملەكەتتىك ءبىلىم تاپسىرىسى ورنالاستىرىلدى. 2023-جىلى 2292 رەزيدەنت وقۋعا تۇسەدى دەپ كۇتىلەدى»، - دەدى مينيسترلىكتەن.