اقمولالىق تۇرعىن ءوزىنىڭ جەر ۋچاسكەسىن ەكى رەت ساتقان

كوكشەتاۋ. قازاقپارات - اقمولا وبلىسىنىڭ تۇرعىنى ءوزىنىڭ جەر ۋچاسكەسىن ەكى رەت ساتقان، دەپ حابارلايدى قازاقپارات ءتىلشىسى وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
None

ۆەدومستۆو مالىمەتىنشە، تسەلينوگراد اۋداندىق پوليتسيا بولىمىنە استانا قالاسىنىڭ تۇرعىنىنان الاياقتىققا قاتىستى ارىز تۇسكەن. زالال سوماسى 3,5 ميلليون تەڭگەنى قۇرادى.

ارىز بەرۋشىنىڭ ايتۋىنشا، جەرگىلىكتى تۇرعىن وعان باسقا بىرەۋدىڭ جەر ۋچاسكەسىن ساتقان. ەر ادام بۇل تۋرالى الاياققا قولما- قول اقشا بەرىپ، قۇرىلىس ماتەريالدارىن جەتكىزبەك بولعان كەزدە عانا بىلگەن.

«جەدەل- ىزدەستىرۋ ءىس- شارالارى بارىسىندا پوليتسيا قىزمەتكەرلەرى كۇدىكتىنى انىقتادى جانە وعان قاتىستى تەرگەۋ امالدارىن قولعا الدى. بەلگىلى بولعانداي، كۇدىكتى جەر ۋچاسكەسىن بۇعان دەيىن وبلىستىڭ وزگە تۇرعىنىنا ساتقان. الايدا ول جەرگە مەنشىك قۇقىعىن تىركەپ ۇلگەرمەگەن. ەر ادام بۇل جاعدايدى پايدالانۋعا تىرىسىپ، جەردى باسقا ادامعا ساتىپ جىبەرگەن. وسى دەرەككە بايلانىستى قىلمىستىق كودەكستىڭ 190-بابى 3-بولىگى («الاياقتىق») بويىنشا سوتقا دەيىنگى تەرگەۋ امالدارى قولعا الىندى»، - دەدى ۆەدومستۆودان.

وسى رەتتە، ءتارتىپ ساقشىلارى جەر تەلىمىن ساتىپ الۋ تۋرالى شەشىم قابىلداماس بۇرىن، ونىڭ تاريحىن ءبىلىپ، ۋچاسكەمەن بارلىق زاڭدى ارەكەتتەر تۋرالى انىقتامانى سۇراپ، زاڭگەرلەردىڭ كومەگىنە جۇگىنۋدى ۇسىنادى.

سوڭعى جاڭالىقتار