22:20, 26 - شىلدە 2023 | GMT +5
قازاقستاندىق وقۋشى الەمنىڭ ۇزدىك ماتەماتيگى اتاندى
استانا. قازاقپارات - استانالىق وقۋشى ءالي ناسىربەك جىل سايىن وتەتىن Copernicus Olympiad سايىسىنا قاتىسىپ، الەمنىڭ ۇزدىك ماتەماتيگى اتاندى، دەپ حابارلادى qazaqstan.tv.

جارىسقا 23 ەلدەن 360 وقۋشى ىرىكتەلگەن. قازاقستان نامىسىن 51 بالا قورعادى. ءدۇبىرلى دودادا توپ جارعان وقۋشى بولاشاقتا ۇزدىك وقۋ ورىندارىنا تۇسكىسى كەلەدى.
«بايقاۋ ا ق ش-تىڭ نيۋ-يورك قالاسىندا ءوتتى. ءبىز الەمنىڭ ەڭ مىقتى وقۋ ورىندارىنىڭ ءبىرى كولۋمبيا ۋنيۆەرسيتەتىندە بولدىق. كەيىن بوستونعا بارىپ، گارۆارد پەن ءمىت ۋنيۆەرسيتەتتەرىن كوردىك. مەن ءمىت- گە ءتۇسۋدى ارماندايمىن»، - دەدى Copernicus Olympiad جەڭىمپازى ءالي ناسىربەك.