ساقتاندىرۋ كومپانيالارى كيىكتەن زارداپ شەككەن شارۋالارمەن جۇمىس ىستەۋگە قۇلىقسىز

استانا. قازاقپارات - اۋىل شارۋاشىلىعى ۆيتسە- ءمينيسترى ءابىلحايىر تامابەك ءماجىلىس دەپۋتاتتارىنىڭ ساۋالىنا جولداعان جاۋابىندا كيىكتەن زارداپ شەككەن شارۋالارعا ارنالعان ساقتاندىرۋ ءونىمى نەگە ازىرلەنىپ بىتپەي جاتقانىن ءتۇسىندىردى، دەپ حابارلايدى قازاقپارات ءتىلشىسى.
None

ۆيتسە- ءمينيستردىڭ ايتۋىنا قاراعاندا، ەگىس القاپتارىنا، جايىلىمدار مەن شابىندىقتارعا كيىكتەن كەلگەن زالالدى ساقتاندىرۋ باعىتىندا ارنايى ءونىم جوق.

«بۇگىنگى تاڭدا، مينيسترلىك «اگرارلىق نەسيە كورپوراتسياسى» ا ق- مەن جۇمىس جۇرگىزىپ وتىر. اكسونەرلىك قوعام ءوز كەزەگىندە ماسەلەنى «اگروساقتاندىرۋ قاۋىمداستىعى» زاڭدى تۇلعالار بىرلەستىگىمەن پىسىقتاپ جاتىر. اتالعان قاۋىمداستىقتىڭ اقپاراتى بويىنشا، ساقتاندىرۋ كومپانيالارىنىڭ كيىكتەردىڭ ەگىستىكتى، شابىندىقتار مەن جايىلىمداردى زاقىمداۋىنان تاۋەكەلدەردى ساقتاندىرۋ باعىتىندا ءونىم ازىرلەۋى مۇمكىن بولماي وتىر. بۇل ادام فاكتورىنىڭ اسەر ەتۋ قاۋپىنىڭ جوعارى بولۋى، سىبايلاس جەمقورلىق تاۋەكەلدەرى، وسى پروتسەستى اكىمشىلەندىرۋدىڭ كۇردەلىلىگى، الەمدىك تاجىريبەدە جانە قولدانىستاعى زاڭنامالاردا وسى باعىتتاعى زالالداردى ساقتاندىرۋ ءونىمىنىڭ بولماۋى، ساپالى ستاتيستيكا جانە قاجەتتى ينفراقۇرىلىم (مەتەوستانسيا) قاجەتتىگىنە بايلانىستى»، - دەپ جازىلعان جاۋاپتا.

سوڭعى جاڭالىقتار