ابىلايدىڭ التىن بوركى رەسەيگە كەتىپتى

استانا. قازاقپارات - پاتشالىق رەسەيدىڭ وتكەن عاسىرلارداعى (18-19 ع.ع) ستاتيستيكالىق مالىمەتتەرىن شولىپ وتىرىپ، قازاق تاريحىنا سونىڭ ىشىندە قاراوتكەل وڭىرىنە (قازىرگى استانا ماڭى) مالىمەتتەرگە نازار اۋداردىق.
None

مىسالى: 1865 - جىلى ماسكەۋ قالاسىندا رەسەي حالىقتارىنىڭ جەتىستىكتەرى دەگەن اتپەن ۇلكەن كورمە ۇيىمداستىرىلادى. سول كورمەگە اقمولا جانە اتباسار وڭىرىنەن 400 گە تاياۋ اسىل بۇيىمدار جىبەرىلگەن كورىنەدى. سولاردىڭ ىشىندە التىنمەن ورنەكتەلگەن قازاقتىڭ حانى ابىلايدىڭ بوركى ت.ب. اسىل بۇيىمدار بولىپتى.

ال، 1876 - جىلى پەتەربور قالاسىنداعى وريەنتاليستار كونگرەسسىنە ارناپ اشىلعان كورمەگە اقمولالىق شەبەرلەر جاساپ اپارعان كيگىز ءۇي تالايدىڭ تاڭدايىن قاقتىرعان. وسى كورمەگە اقمولانىڭ اقسۇيەكتەرى - مۇحامەديار جايىقبايەۆ، مۇحامەد قوشانوۆ، ساعىناي ەسۇلى، ىبىراي قوڭىرقۇلجانوۆتار قاتىسقانى تۋرالى دەرەك بار. كيىز ءۇيدى الىپ بارعان دا وسى ادامدار.

سونداي-اق تاۋ-كەن ينجەنەرى ا.ا. كوزىرەۆتىڭ 1901 - جىلى پەتەربۋرگ قالاسىندا جارىق كورگەن «گيدرولوگيچەسكوە وپيسانيە اكمولينسكوي وبلاستي» اتتى ەڭبەگىندە ەسىل وزەنىنىڭ وڭتۇستىك جاعالاۋلارىندا تاسپەن تۇرعىزىلعان كونە قورعاندار بار ەكەنىن سۋرەتتەپ جازسا، 19-عاسىردىڭ ورتاسىنا تامان ارحەولوگ ۆاسيلي دەميانوۆيچ سولوچينسكي مىرزا قاراوتكەل ماڭىنان اندرونوۆ مادەنيەتىنە جاتاتىن جيىرماعا تاياۋ ادامزات تۇراعىن تاپقانى جايلى دەرەك بار. ولكەتانۋشى ۆالەري ستەپانوۆيچ ۆولوشين مىرزا تاعى دا وسى ولكەدەن پولەوليت، مىس داۋىرىنە جاتاتىن جەتپىسكە تاياۋ ادامداردىڭ قابىرى مەن بايىرعى تۇراعىن تاۋىپ ەڭبەكتەرىندە بەلگىلەپ كەتكەن.

جوعارداعى دۇنيەلەردى شىنداپ ىزدەستىرسە رەسەيدىڭ مۋزەيلەرىنەن تابىلۋى ابدەن مۇمكىن. ونى استانا قالا اكىمدىگى نەمەسە ق ر مادەنيەت جانە اقپارات مينيسترلىگىنىڭ وسى ماسەلەگە قاتىستى سالالىق كوميتەتى، بولماسا تاريحىمىزعا قاتىستى جادىگەرلەردى ىزدەستىرۋگە قۇقىلى پرەزيدەنتتىك مادەني ورتالىعى باس بولىپ، جاڭادان قايتا قابىلدانىپ جاتقان «مادەني مۇرا» باعدارلاماسىنا ەنگىزىپ ارەكەت جاساسا قۇبا - قۇپ بولار ەدى.

بەكەن قايرات ۇلى

دەرەككوز: baq.kz

2012 ج


سوڭعى جاڭالىقتار