استانالىقتاردىڭ تەڭ جارتىسى اۆتوبۋستا جول اقىسىن تولەمەيدى

بۇل تۋرالى استانا قالاسىنىڭ كوممۋنيكاتسيالار قىزمەتىندەگى باسپا ءسوز ءماسليحاتىندا «№1-اۆتوبۋس پاركى» ا ق باسقارما ءتوراعاسى مەدەت شاقايەۆ ايتتى، دەپ حابارلايدى قازاقپارات ءتىلشىسى.
«نەگىزگى پروبلەمانىڭ ءبىرى جول اقىسىن تولەمەيتىن جولاشىلارعا قاتىستى. CTS كومپانياسىنىڭ كەيىنگى زەرتتەۋىنە قاراعاندا، ۆاليداتسيا بويىنشا ءوسىم ەڭ تومەن دەڭگەيدە ەكەنى انىقتالدى، ياعني 51 پايىز شاماسىندا. ال كەيبىر باعدارلاردا 64 پايىز بولدى. وسى زەرتتەۋ جولاۋشىلاردىڭ كەم دەگەندە 50 پايىزى جول اقىسىن تولەمەيتىنىن كورسەتىپ وتىر. بۇل تۇرعىدا ءبىز جالاقى تولەۋ، اۆتوبۋستارعا قوسالقى بولشەكتەر مەن جانار-جاعارماي ساتىپ الۋ بويىنشا شىعىنعا تۇسەمىز»، - دەدى م. شاقايەۆ.
وسى ورايدا اۆتوپارك باسشىسى قالا تۇرعىندارىن جول اقىسىن تولەۋگە شاقىردى.
«بۇل جاعداي وسى سالانى دامىتۋعا كەدەرگى كەلتىرەدى. 100 ادام تاسىمالداساق، سونىڭ جارتىسى جول اقىسىن تولەمەيدى»، - دەدى كاسىپورىن باسشىسى.
سونىمەن قاتار ول ەلورداداعى اۆتوبۋستاردا جول اقىسى تاريفىن كوتەرۋ قاراستىرىلماعانىن ايتتى.
بۇعان دەيىن قالاعا 400 گە جۋىق اۆتوبۋس جەتىسپەيتىنى حابارلانعان ەدى.
ەلوردادا اۆتوبۋستار قوزعالىسىنىڭ ۋاقىت ارالىعى 10-20 مينۋتتان 8-10 مينۋتقا دەيىن قىسقارتىلماق.