استانا مەترو: پويىز ايالدامالارى بەلگىلى بولدى

جوسپار بويىنشا ايالدامالار مىنا مەكەنجايلاردا ورنالاسادى:
1. اۋەجاي؛
2. ارناساي كوشەسى، پريگورودنىي كەنتى؛
3. «اۆياتور» ساياجاي قوعامى؛
4. ماڭگىلىك ەل كوشەسى - قابانباي باتىر داڭعىلى؛
5. «استانا جۇلدىزى» اينالما جولى؛
6. حۋسەين بەن تالال كوشەسى؛
7. نازاربايەۆ ۋنيۆەرسيتەتى؛
8. ۇلى دالا كوشەسى؛
9. «الاۋ» مۇز سارايى؛
10. كەرەي، جانىبەك حاندار كوشەسى؛
11. سىعاناق كوشەسى؛
12. «ءابۋ دابي پلازا» ساۋدا- ويىن ورتالىعى؛
13. مينيسترلىكتەر ءۇيى؛
14. تاۋەلسىزدىك كوشەسى (ۇلتتىق مۋزەي)؛
15. س. نۇرماعانبەتوۆ كوشەسى؛
16. ت. جۇرگەنوۆ كوشەسى؛
17. «شەبسكلاد» ساياجاي قوعامى؛
18. «نۇرلى جول» تەمىرجول ۆوكزالى.
«پويىزداردىڭ ءجۇرۋ كەستەسى پايدالانۋعا بەرىلەر الدىندا بولاتىن سىناق كەزەڭىندە ناقتىلانادى»، - دەلىنگەن اكىمدىكتىڭ رەداكسيا ساۋالىنا بەرگەن جاۋابىندا.
استانا اكىمى جەڭىس قاسىمبەكتىڭ ايتۋىنشا، بۇگىندە LRT جوباسىنىڭ 1- كەشەنى بويىنشا قۇرىلىس جۇمىستارى باستالعان.
LRT قۇرىلىسى 2019 -جىلى ساۋىردە توقتاتىلعان ەدى.
2020 -جىلدىڭ قاڭتارىندا LRT- عا قاتىستى ءىستى تەرگەۋ شارالارى اياقتالدى. سول جىلى قازاندا ءىس سوت قاراۋىنا جولداندى.
سونداي- اق بىلتىر 13 -تامىزدا استانا پروكۋراتۋراسى ەلوردا اكىمىنىڭ بۇرىنعى ورىنباسارى قانات سۇلتانبەكوۆ پەن «استانا LRT» ج ش س باسقارما ءتوراعاسى تالعات اردانعا قاتىستى قىلمىستىق ءىستىڭ سوتقا جولدانعانىن حابارلادى. ءبىراق، اتالعان ەكى كۇدىكتى قازىرگى ۋاقىتتا قىلمىستىق قۋدالاۋدان بوي تاسالاپ ءجۇر.