شىمكەنت كوشەلەرىندە ويىنا كەلگەنىن ىستەگەن بايكەر سىماقتار جازالاندى - ۆيدەو

تۇندە موپەد مىنگەن 10 جاس جىگىت ارباتتا جينالىپ، ناعىز بايكەرلەرگە ەلىكتەپ، قالانى ارالاپ شىعۋدى ۇيعارعان. جىگىتتەر وزدەرىن اۆتوجولداردىڭ يەسى سياقتى سەزىنىپ، جول ۇستىندە ويلارىنا كەلگەنىن ىستەي باستاعان.
پوليتسيا دەپارتامەنتى جەدەل باسقارۋ ورتالىعىنىڭ ينسپەكتورلارى بەينەباقىلاۋ كامەرالارى ارقىلى موپەديستەردىڭ كوپتەگەن زاڭ بۇزۋشىلىق جاساپ جاتقانىن بايقادى. ج ب و-نىڭ كەزەكشىسى ولاردى ۇستاۋ ءۇشىن پاترۋلدىك پوليتسەيلەرگە باعىت-باعدار بەردى. ءتارتىپ ساقشىلارى «شۋىلداقتاردى» بايتۇرسىنوۆ پەن رىسقۇلوۆ كوشەلەرىنىڭ قيىلىسىندا ۇستادى.
بەيبەرەكەت ءجۇرۋدى ۇناتاتىندار ق ر ا ق ب ت ك-نىڭ 615-بابىمەن (جاياۋ جۇرگىنشىلەردىڭ جانە جول جۇرىسىنە وزگە دە قاتىسۋشىلاردىڭ جول ءجۇرىسى قاعيدالارىن بۇزۋى) جاۋاپقا تارتىلدى. بۇدان بولەك، ولاردىڭ كەيبىرىنە قاتىستى باستاپقى جينالعان ورىندارىندا تەمەكى قالدىعىن جانە وزگە دە قوقىستى تاستاعانى ءۇشىن ا ق ب ت ك-نىڭ 434-2-بابى (ورتاق پايدالانىلاتىن ورىنداردى لاستاۋ) بويىنشا حاتتاما تولتىرىلدى.
پوليتسەيلەر جول قوزعالىسى ەرەجەلەرىن ەلەمەۋ جول-كولىك وقيعاسىنا اكەلۋى مۇمكىن ەكەنىن ەسكە سالادى. جولدا ءجۇرۋ ەرەجەلەرىن قاتاڭ ساقتاۋ اپاتتار مەن ادام شىعىنىن بولدىرماۋدىڭ بىردەن- ءبىر جولى.