اۆتوبۋستا كونديتسيونەر قوسىلماعان جاعدايدا قايدا شاعىمدانۋعا بولادى

«قازىرگى كەزدە قالادا جولاۋشىلار تاسىمالىمەن 6 اۆتوبۋس پاركى اينالىسىپ كەلەدى. ونىڭ اراسىندا №1-اۆتوبۋس پاركىمىز مەملەكەتتىك كاسىپورىن سانالادى، ال قالعانى جەكەمەنشىكتە. ءبىزدىڭ اۆتوبۋس پاركىندەگى جاعدايعا توقتالساق، كونديتسيونەرى دۇرىس ىستەمەيتىن كولىكتەر تاڭەرتەڭ باعدارعا شىعارىلمايدى. اۆتوبۋس جولدا كەلە جاتقاندا كونديتسيونەر ىستەن شىعۋى مۇمكىن. بۇل جاعدايدا اۆتوبۋس سوڭعى ايالداماعا جەتكەن سوڭ مارشرۋتتان شىعىپ، بازاعا بارادى. سول كۇنى كونديتسيونەردى جوندەگەننەن كەيىن، اۆتوبۋس قايتا جولعا شىعادى»، - دەدى م. شاقايەۆ استانا قالاسىنىڭ كوممۋنيكاتسيالار قىزمەتىندەگى باسپا ءسوز ءماسليحاتىندا.
ول ءار اۆتوبۋستا جۇرگىزۋشىنىڭ اتى- ءجونى جانە باسقا دا دەرەكتەرى ارنايى ىلىنەتىنىن ەسكە سالدى. ەگەر قىزمەتكەرلەر جۇمىسىنا شاعىمدار بولسا، قالا تۇرعىندارى 109 قىزمەتىنە (iKomek) حابارلاسا الادى.
«IKomek-كە تۇسكەن بارلىق شاعىم مىندەتتى تۇردە قارالادى. ءبىز شاعىمداردى قاراستىرىپ، تارتىپتىك جازا بويىنشا شارا قابىلدايمىز»، - دەدى كاسىپورىن باسشىسى.
ايتا كەتەيىك، قالادا 6 اۆتوبۋس پاركى قىزمەت كورسەتىپ جاتىر. كۇن سايىن ەلوردا كوشەلەرىندە 850 دەن استام اۆتوبۋس جۇرەدى. «№1-اۆتوبۋس پاركى» ەلوردانىڭ بۇكىل مارشرۋتتىق جەلىسىنىڭ شامامەن 70 پايىزىن قامتيدى، ياعني 38 قالالىق باعدارعا جانە 28 قالا ماڭىنداعى باعدارعا (%100) قىزمەت كورسەتىپ كەلەدى.