قىتايعا جۇك تاسىمالداۋعا رۇقسات بلانكىن شەكارانى كەسىپ وتكەندە الۋعا بولادى

بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتى باقىلاۋ دەپارتامەنتىنىڭ ديرەكتورى ەلدوس ساۋدابايەۆ ايتتى، دەپ حابارلايدى قازاقپارات ءتىلشىسى.
«قىتايمەن شەكاراداعى «CargoAlem» ەلەكتروندىق كەزەك جۇيەسىنىڭ ءمودۋلى نەگىزىندە ق ح ر رۇقساتتارىنىڭ شەتەلدىك بلانكىلەرىن بەرۋ اۆتوماتتاندىرىلدى. بۇل ادامي فاكتوردى الىپ تاستاۋعا جانە تىكەلەي وتكىزۋ پۋنكتەرىندە شەتەلدىك رۇقسات بلانكىلەرىن الۋعا مۇمكىندىك بەردى. جوبا پيلوتتىق رەجيمدە 2024 -جىلدىڭ ناۋرىزىنا دەيىن جانە تەك قىتايعا تاسىمالداۋعا قاتىستى باستالدى. شەتەلدىك رۇقسات بلانكى نەمەسە حالىق ايتقانداي «رۇقسات» - بۇل تاسىمالداۋشىلارعا جۇكتەردى شەتەل مەملەكەتتەردىڭ اۋماقتارى ارقىلى تاسىمالداۋعا مۇمكىندىك بەرەتىن قۇجات. بۇرىن كومپانياعا وسىنداي بلانكىلەردى الۋ ءۇشىن ۋاكىلەتتى ورگانعا تىكەلەي بارۋعا جانە جۇگىنۋگە تۋرا كەلەتىن ەدى. قازىر رۇقساتتاردى تىكەلەي شەكارانى كەسىپ وتكەن كەزدە الۋعا بولادى. بۇل تاسىمالداۋشىلارعا ۋاقىتتى جانە قارجىنى ۇنەمدەۋگە مۇمكىندىك بەرەدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
دەپارتامەنت ديرەكتورىنىڭ اتاپ وتۋىنشە، بۇگىنگى تاڭدا شەتەلدىك رۇقسات بلانكىلەرى وتكىزۋ پۋنكتەرىندە 1 ايلىق ەسەپتىك كورسەتكىش (3450 تەڭگە) مولشەرىندەگى الىم تولەنگەننەن كەيىن بەرىلىپ جاتىر. ال بۇرىن كوتەرىلگەن باعامەن زاڭسىز قايتا ساتۋ فاكتىلەرى بولعان. ياعني ءبىر بلانكىنىڭ قۇنى 2 مىڭ ا ق ش دوللارىنا دەيىن جەتكەن.
«پيلوتتىق جوبا ىسكە قوسىلعان ساتتەن باستاپ، وسى جىلدىڭ 26- ساۋىرىنە دەيىن 21 مىڭنان استام شەتەلدىك رۇقسات بلانكىلەرى بەرىلدى. «رۇقساتتاردى» ەلەكتروندى تۇردە بەرۋدى ەنگىزۋ - مەملەكەتتىك كىرىستەر كوميتەتى مەن ق ر ي ي د م كولىك كوميتەتىنىڭ بىرلەسكەن جوباسى. وسى ءىس- شارالارعا مەملەكەتتىك بيۋدجەتتەن قارجى بولىنبەگەنىن اتاپ وتەمىز»، - دەدى ەلدوس ساۋدابايەۆ.