كاسىپكەرلەر مال شارۋاشىلىعىنا قاجەت مامان دايارلايتىن مەكتەپ اشۋدى ۇسىندى

«اتامەكەن» ۇ ك پ ءتورالقا ءتوراعاسى رايىمبەك باتالوۆپەن كەزدەسۋدە س ق و فەرمەرلەرى اۋىل شارۋاشىلىعى عىلىمي- زەرتتەۋ ينستيتۋتىن وبلىستىڭ باسقارۋىنا بەرۋ جايىندا باستاما كوتەردى. شارۋالار قازىر قاجەتتى كەڭەس الۋ ءۇشىن شەتەلدىك مامانداردىڭ كومەگىنە جۇگىنەدى.
«قازاقستاندا عىلىم وندىرىسپەن بىرگە ءجۇرۋى كەرەك. سونداي- اق تاجىريبەلى كادرلاردى ساقتاپ، بىلىكتى جاس مامانداردى دايارلاۋ ماڭىزدى. اعا بۋىن كەتسە جۇمىس ىستەيتىن مامانسىز قالامىز»، - دەيدى كاسىپكەرلەر.
وسىعان وراي فەرمەرلەر ينستيتۋت بازاسىندا مال شارۋاشىلىعىنا قاجەت مامانداردى ازىرلەيتىن مەكتەپ اشۋدى ۇسىندى.
«بيزنەستىڭ بۇل باستاماسىن ۇكىمەت جانە اۋىل شارۋاشىلىعى مينيسترلىگىنە پيلوتتىق جوبا رەتىندە ۇسىنامىز. بۇل - كاسىپكەرلەردىڭ قالاۋى»، - دەدى رايىمبەك باتالوۆ.
قىزىلجار اۋدانىندا ورنالاسقان اۋىل شارۋاشىلىعى عىلىمي- زەرتتەۋ ينستيتۋتىنىڭ 50 جىلدىق تاريحى بار. قازىر مۇندا 30 دان استام عىلىمي قىزمەتكەر، ءبىر عىلىم دوكتورى جانە جەتى كانديدات ەڭبەك ەتەدى. ءبىراق قارجىلاندىرۋدىڭ جەتكىلىكسىزدىگىنەن ينستيتۋت ءوز الەۋەتىن تولىق كولەمدە پايدالانا الماي وتىر.