قانداستارىمىز «اتا جولى» كارتاسىن قالاي الۋعا بولادى

استانا. قازاقپارات - «اتا جولى» كارتاسى - ەتنيكالىق قازاقتارعا ەلىمىزدە بيزنەس-كەيستەرىن ىسكە اسىرۋعا جانە ەلدە تاپشى مامانداردىڭ قىزمەت ەتۋىنە بەرىلەتىن قۇجات.
None

كارتا يەلەرىنە رەسپۋبليكا اۋماعىندا ازاماتتىقتارىن ساقتاي وتىرىپ، 10 جىلعا دەيىن تۇراقتى تۇرۋعا رۇقسات بەرىلەدى. بۇل قۇجاتتى «قۇتتى مەكەن» موبيلدى قوسىمشاسىنىڭ كومەگىمەن ءوتىنىش بەرۋ نەمەسە قازاقستان ەلشىلىگىنە جۇگىنۋ ارقىلى الۋعا بولادى، دەپ حابارلايدى قازاقپارات ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

بۇل كارتا مەملەكەت باسشىسىنىڭ 2022-جىلعى 1- قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» جولداۋىندا ايتىلعان تاپسىرماسىنا سايكەس، سونداي-اق ادامي الەۋەتتى دامىتۋ، تاريحي وتانمەن بايلانىستى نىعايتۋ جانە ۇلتتىق داستۇرلەردى ساقتاۋ، ەلگە كاسىپقوي مامانداردى جانە تابىستى كاسىپكەرلەردى تارتۋ ءۇشىن ق ر- نىڭ 2023-2027-جىلدارعا ارنالعان كوشى-قون ساياساتىنىڭ تۇجىرىمداماسىنا سايكەس ازىرلەندى.

ەرەجەگە سايكەس «اتا جولى» كارتاسى ءۇش ساناتتىڭ بىرىنە سايكەس كەلەتىن شەتەلدە تۇراتىن ەتنيكالىق قازاقتار ءۇشىن ۇسىنىلادى:

- ق ر ازاماتتىعىنا قابىلداۋدىڭ وڭايلاتىلعان ءتارتىبى بەلگىلەنەتىن ادامدار ءۇشىن كاسىپتىڭ بولۋى؛

- ۇمىتكەردىڭ قازاقستاندا تالاپ ەتىلەتىن كاسىپتەرگە يە بولۋى؛

- تۇراقتى تۇراتىن نەمەسە ازاماتتىعى بار ەلدە تىركەلگەن جۇمىس ىستەپ تۇرعان بيزنەستىڭ بولۋى.

قۇجاتتى الۋ ءۇشىن «قۇتتى مەكەن» موبيلدى قوسىمشاسى ارقىلى ءوتىنىش بەرۋ نەمەسە قازاقستان ەلشىلىگىنە جۇگىنۋ قاجەت.

تىركەلگەننەن كەيىن ءوتىنىم بەس جۇمىس كۇنى ىشىندە قارالادى. سودان كەيىن الەۋمەتتىك قورعاۋ جانە حالىقتى جۇمىسپەن قامتۋ سالاسىنداعى جەرگىلىكتى اتقارۋشى ورگان سول قوسىمشا ارقىلى الۋشىنى قۇجاتتىڭ ۇسىنىلعانى تۋرالى حاباردار ەتەدى.

«اتا جولى» كارتاسىن «قۇتتى مەكەن» قوسىمشاسىنان الۋعا بولادى.

وسىدان كەيىن ەتنيكالىق قازاق ۆيزا الۋ ءۇشىن ق ر س ءى م- ءنىڭ شەتەلدەگى مەكەمەسىنە جۇگىنە الادى نەمەسە (تۇراتىن ەلىمەن ۆيزاسىز رەجيمدە) كوشىپ كەلۋشىلەردىڭ كەلۋى مەن بولۋىنىڭ قازاقستاندىق تارتىبىنە سايكەس بىردەن ەلگە كەلە الادى.

كەلگەننەن كەيىن «اتا جولى» كارتاسىنىڭ يەگەرى ۇزارتۋ مۇمكىندىگىمەن 10 جىل مەرزىمگە تۇرۋعا ىقتيارحاتتى رەسىمدەۋ ءۇشىن اۋماقتىق ىشكى ىستەر ورگاندارىنا جۇگىنۋگە ءتيىس.

كارتا الىنعان ساناتقا بايلانىستى ەتنيكالىق قازاق نە جۇمىس بەرۋشىمەن شارتقا قول قويادى جانە ونى «ەڭبەك شارتتارىن ەسەپكە الۋدىڭ ءبىرىڭعاي جۇيەسىندە» تىركەيدى، نە ءوزىنىڭ بيزنەس- جوسپارىن جۇزەگە اسىرۋعا كىرىسەدى.

«اتا جولى» كارتاسى يەگەرلەرىنىڭ ەتنيكالىق قازاقتاردان باستى ايىرماشىلىعى - ولار باسقا ەلدىڭ ازاماتى بولىپ قالا وتىرىپ، ازاماتتار مەن قانداستار سياقتى قۇقىقتارعا يە بولادى.

ماسەلەن، ولارعا قازاقستاندىق زاڭناماعا سايكەس جۇمىسقا ورنالاسۋ نەمەسە كاسىپكەرلىك قىزمەتتى جۇزەگە اسىرۋ قۇقىعى، مەديتسينالىق كومەكتىڭ كەپىلدىك بەرىلگەن كولەمى شەڭبەرىندە الەۋمەتتىك تولەمدەر جۇرگىزۋ جانە قىزمەت الۋ، تەگىن ورتا ءبىلىم الۋ، مەملەكەتتىك مەكەمەلەردە تەگىن ارناۋلى ورتا نەمەسە جوعارى ءبىلىم الۋ كونكۋرسىنا قاتىسۋ نەمەسە جەكە وقۋ ورىندارىندا اقىلى وقۋ جانە ت. ب. مۇمكىندىگى قولجەتىمدى بولادى.

بۇدان باسقا، «اتا جولى» كارتاسىنىڭ يەگەرلەرى قازاقستان رەسپۋبليكاسىنىڭ ازاماتتىعىن وڭايلاتىلعان تارتىپپەن الۋعا مۇمكىندىگى بار.

ايتا كەتۋ كەرەك، «اتا جولى» كارتاسى بار ادامداردىڭ ق ر مەملەكەتتىك ورگاندارى مەن جەرگىلىكتى ءوزىن- ءوزى باسقارۋ ورگاندارىنا سايلاۋعا جانە سايلانۋعا قۇقىعى جوق، رەسپۋبليكالىق رەفەرەندۋمعا قاتىسا المايدى جانە مەملەكەتتىك قىزمەتتە جۇمىس ىستەي المايدى.

سوڭعى جاڭالىقتار