جەر بەتىندە ۇزاق ءارى ماڭگى ءومىر سۇرەتىن تىرشىلىك يەلەرى

بۇل ەرەكشە جاراتىلىستاردىڭ مۇنداي ارتىقشىلىققا يە بولعانى عالىمداردىڭ ەرەكشە نازارىن اۋدارتاتىنى ءسوزسىز.
Turritopsis doohmii
ءبىزدىڭ ءتىزىمدى Turritopsis doohmii نەمەسە ولمەيتىن مەدۋزا دەپ اتالاتىن مەدۋزانىڭ ءتۇرى باستايدى. زەرتتەۋلەرگە سايكەس، ول قارتايۋ پروتسەسىن كەرى قايتارۋ ارقىلى ءولىمدى الداۋدىڭ جولىن تاپقان. ەگەر مەدۋزا جاراقات السا نەمەسە اۋىرىپ قالسا، ول ءۇش كۇن ىشىندە پوليپ كەزەڭىنە ورالىپ، جاسۋشالارى قايتا جاسارادى. ءبىراق ونىڭ جويىلۋىنىڭ باستى سەبەبى - باسقا سۋ الەمىنىڭ تۇرعىندارى ونى جەپ قويا الادى.
Tardigrada
بۇل تىرشىلىك يەلەرى قولايسىز جاعدايدا كريپتوبيوز كۇيىنە ەنىپ، مىڭداعان جىل نەمەسە ماڭگى ءومىر سۇرە الادى. ناتيجەسىندە ولاردىڭ مەتابوليزمى توقتايدى. ءبىراق قولايلى جاعداي باستالسا، تارديگرادالار قايتادان ومىرگە كەلەدى. ومىرتقاسىز ميكرواعزالاردىڭ ەرەكشەلىگى - وتە ءتوزىمدى. ولار 20 گرادۋس نولدەن تومەن تەمپەراتۋرادا 30 جىلعا دەيىن شىدايتىنى دالەلدەنگەن.
سەيشەل ارالدارىنىڭ الىپ تاسباقاسى
بۇل قۇرلىقتاعى باۋىرىمەن جورعالاۋشىلار - جەر بەتىندەگى ەڭ ۇزاق ءومىر سۇرەتىن جانۋارلاردىڭ ءبىرى. ولار تۇتقىندا 150 جىلعا دەيىن ءومىر سۇرە الادى.
ءبىراق مۇنداي الپاۋىتتاردىڭ اراسىندا ءبىزدىڭ رەيتينگىمىزدە 2-ورىندى الاتىن رەكوردشى بار. ول - كالكۋتتا حايۋاناتتار باعىنىڭ 250 جاسىندا قايتىس بولعان ادۆايتا اتتى تاسباقاسى. حايۋاناتتار باعىنا تاسباقانى العاش اكەلگەن قىزمەتكەرلەردىڭ ەشقايسىسى دا ول ولگەن كەزدە بولماعان.
ادۆايتا تاسى جارىلىپ ولگەن.
ءبىر قىزىعى، تاسباقالار ۇزاق ءومىر سۇرەتىن عانا ەمەس، سونىمەن قاتار ەڭ ەجەلگى جانۋارلاردىڭ قاتارىنا جاتادى. تاسباقا قالدىقتارىنىڭ جاسى 220 ميلليون جىلدان اسادى.
گرەنلانديا كيتتەرى
گرەنلانديا كيتتەرى - ادەتتە سولتۇستىك جارتى شاردىڭ پوليارلىق ايماقتارىندا ءومىر سۇرەتىن تەڭىز سۇتقورەكتىلەرى. ولاردىڭ دەنەسىنىڭ ۇزىندىعى 20 مەترگە، ال ماسساسى 150 تونناعا جەتەدى. بۇل كيتتەر 200 مەتر تەرەڭدىككە سۇڭگۋگە جانە وندا 40 مينۋتقا دەيىن قالۋعا قابىلەتتى. ورتا ەسەپپەن ولار ساعاتىنا 20 شاقىرىم جىلدامدىقپەن جۇزەدى.
گرەنلانديا كيتتەرىنىڭ كوپشىلىگى شامامەن 40 جىل ءومىر سۇرەدى، ءبىراق 200 جاسقا دەيىن ءومىر سۇرەتىندەرى بار. بۇل - ومىرتقالىلار اراسىنداعى رەكورد. كوپتەگەن باقىلاۋلارعا قاراعاندا، ولار ۇزاق ءومىر بويى ءوسىپ، داميدى. جاسى ۇلعايعان سايىن دامۋ قارقىنى باسەڭدەمەيدى. ءبىراق قارتايعان سايىن كورۋ قابىلەتتەرى ناشارلاپ، جارتاستارعا سوعىلىپ مەرتىگەدى.
bugin.kz