09:26, 26 - شىلدە 2023 | GMT +5
چەمپيوندار ليگاسى: «استانا» حورۆاتيالىق «دينامودان» ويسىراي جەڭىلدى
استانا. قازاقپارات - بۇگىن فۋتبولدان UEFA چەمپيوندار ليگاسى ءبىرىنشى ىرىكتەۋ ساتىسىندا ەلوردالىق «استانا» سىرت الاڭدا «دينامو زاگرەب» (حورۆاتيا) كومانداسىمەن كەزدەستى، دەپ حابارلايدى قازاقپارات ءتىلشىسى.

حورۆاتيالىق كلۋب - تاجىريبەلى ۇجىمداردىڭ ءبىرى. 1990-جىلدان بەرى ءوز ەلىندە 24 مارتە جەڭىس تۇعىرىنا كوتەرىلدى. ەۋروكۋبوك ويىندارىنا بىرنەشە مارتە قاتىسقان.
سوندىقتان «استانا» ءۇشىن بۇل كەزدەسۋ وڭايعا سوقپايتىنى بەلگىلى ەدى. ناتيجەسىندە ولاردىڭ قاتارىنان برۋنو پەتكوۆيچ 38-مينۋتتا ەسەپ اشسا، ودان كەيىن لۋكا يۆانۋشەەتس 41، 43، 56-مينۋتتاردا ءۇش مارتە مەرگەندىك تانىتتى.
وسىلايشا «استانا» قارسىلاسىنان 0:4 ەسەبىمەن جەڭىلىپ قالدى.
ەكى كوماندا اراسىنداعى قارىمتا كەزدەسۋ 1- تامىزعا بەلگىلەنگەن.
جەڭىمپاز ۇجىم ءۇشىنشى ىرىكتەۋ ساتىسىندا گرەكيانىڭ ا ە ك كومانداسىمەن شەبەرلىك بايقاسادى. ويىن 9- جانە 15- تامىز كۇندەرى بولادى.
ءبىرىنشى ىرىكتەۋ ساتىسىندا ەلوردالىق كلۋب گرۋزيالىق «دينامو تبيليسي» كومانداسىن (2:1، 0:0) ورتا جولدا قالدىردى.