18:08, 25 - شىلدە 2023 | GMT +5
ەلوردالىق ءورت سوندىرۋشىلەر جانىپ جاتقان پاتەردەن ادامدى قۇتقاردى
استانا. قازاقپارات - استاناداعى كوپقاباتتى ۇيلەردىڭ بىرىندە ءورت شىعىپ، پاتەردە بولعان جاس جىگىت قۇتقارىلدى، دەپ حابارلايدى قازاقپارات توتەنشە جاعدايلار مينيسترلىگىنە سىلتەمە جاساپ.

«بۇگىن ساعات 15:55 تە استانا قالاسى ت ج د ءورت ءسوندىرۋ بولىمشەلەرى بايتۇرسىنوۆ كوشەسىندە پاتەر ورتەنىپ جاتقانى تۋرالى كەلىپ تۇسكەن حابارلاماعا شىقتى. 6 مينۋتتان كەيىن شاقىرۋ ورنىنا كەزەكشى قاراۋىل كەلدى. وندا 30 ش. م. اۋماقتا ءۇي جيھازدارى، زاتتار جانىپ جاتقانى انىقتالدى. ءورت سوندىرۋشىلەردىڭ كۇشىمەن ءورت 16.28 دە وقشاۋلانىپ، 16.44 تە ءسوندىرىلدى. ءورتتى ءسوندىرۋ بارىسىندا ەلوردالىق ءورت سوندىرۋشىلەر جانىپ جاتقان پاتەردەن 1996 -جىلعى پاتەر يەسى - ەر ادامدى قۇتقاردى. ءورتتى سوندىرۋگە استانا قالاسى ت ج د جەكە قۇرامىنىڭ 22 ادامى جانە 4 تەحنيكاسى جۇمىلدىرىلدى»، - دەلىنگەن حابارلامادا.