قازاقستانعا رەسەيدەن كوشىپ كەلەتىندەر سانى ەسەلەپ وسكەن

استانا. قازاقپارات - 2023-جىلدىڭ قاڭتار-ناۋرىزىندا قازاقستانعا شەتەلدەن كەلگەندەر سانى ەميگرانتتار سانىنان اسىپ ءتۇستى، - دەپ حابارلايدى Massaget.kz ءتىلشىسى ۇلتتىق ستاتيستيكا بيۋروسى مالىمەتىنە سىلتەمە جاساپ.

مۇنداي جاعداي 2014-جىلدان بەرى العاش رەت تىركەلىپ وتىر. ەلىمىزگە بارلىعى 7700 ادام قونىس اۋدارعان. بۇل كوشىپ كەتكەندرگە قاراعاندا 5000 ادامعا كوپ. ونىڭ ىشىندە ەڭ كوبى رەسەيلىكتەر - 3900 ادام، 1900 ءى وزبەكستان، 362 ءسى تۇرىكمەنستان ازاماتتارى ەكەنى ايتىلعان.

بۇل رەتتە قازاقستاننان 2,7 مىڭ ادام شەتەلگە كەتكەن (70 پايىزعا از). رەسەيگە ءبىر جىل بۇرىنعى 4100 ادامعا قاراعاندا 1700 ادام عانا كەتكەن. سونداي-اق، قازاقستاندىقتار گەرمانياعا (501)، پولشاعا (128)، ا ق ش- قا (64) قونىس اۋدارادى.

وسىلايشا، قازاقستان ءۇشىن كوشى-قون سالدوسى كوپ جىلداردان بەرى العاش رەت وڭ كورسەتكىش كورسەتكەن. سوڭعى رەت وڭ ماندەر 2014-جىلدىڭ ءبىرىنشى توقسانىندا (789 ادامعا كوپ) بايقالعان.