ءۇي الۋ ءۇشىن دەپوزيتتە اقشانى قالاي ءتيىمدى جيناۋعا بولادى؟

ول وتباسى بانكتەگى دەپوزيتكە اي سايىن تەك 57500 تەڭگە عانا سالۋدى ۇسىندى، - دەپ حابارلايدى Massaget.kz ءتىلشىسى.
بۇل تۋرالى بلوگەر Instagram-پاراقشاسىندا جاريالادى. ول وتباسى بانك سالىمشىلارىنا ءبىر دەپوزيتكە اي سايىن تەك 57500 تەڭگە عانا سالۋعا كەڭەس بەرگەن. ونىڭ ايتۋىنشا، بۇل - مەملەكەت بەرەتىن سىياقىنىڭ ەڭ كوپ مولشەرىن الۋعا مۇمكىندىك بەرەدى.
«سەبەبىن اشىپ تۇسىندىرەيىن. وتباسى بانككە اقشا جيناۋداعى باستى ماقسات - مەملەكەت بەرەتىن ماكسيمالدى پرەميانى الۋ. ياعني، جىل اياعىنا دەيىن شوتىڭىزعا 690000 تەڭگە كولەمىندە اقشا سالساڭىز، 2024-جىلدىڭ باسىندا سىزگە 138000 تەڭگە پرەميا تۇسەدى»، - دەپ جازدى بلوگەر.
ۇلان داۋلەتقالي بۇل مەملەكەت تاعايىنداعان سىياقىنىڭ ەڭ كوپ مولشەرى ەكەنىن ايتتى. دەمەك، دەپوزيتتى 690 مىڭ تەڭگەدەن ارتىق سوماعا تولتىرساڭىز دا، الاتىن پرەمياڭىز 138 مىڭ تەڭگە عانا بولادى، دەيدى ول.
«سوندىقتان، ايىنا تەك 57500 تەڭگە عانا سالىپ وتىرىڭىز. ال ودان كوبىرەك قاراجات سالۋ مۇمكىندىگى بولسا، وتباسىلىق پاكەتتى پايدالانۋعا كەڭەس بەرەمىن.
مىسالى، ايىنا 150 مىڭ تەڭگە سالعىڭىز كەلسە، ءوز شوتىڭىزعا 57500 تەڭگە، ءبىر جاقىن تۋىسىڭىزدىڭ دەپوزيتىنە 57500 تەڭگەسىن سالىپ، قالعان 35.000 تەڭگەنى ەكىنشى تۋىسىڭىزدىڭ شوتىنا سالىڭىز»، - دەيدى ول.
بلوگەر بۇل ءادىستىڭ قىزىعى مەملەكەتتىك سىياقى تۇسكەندە بولادى دەيدى. ياعني، جىل اياعىندا ءبىر دەپوزيتتەگى جيناعىڭىز ءۇشىن عانا ەڭ كوپ 138 مىڭ تەڭگە سىياقىنى عانا الىپ قويماي، ءار سالىمشى ءۇشىن جەكە سىياقى الا الاسىز.