بيىل اۋىلدىق ەلدى مەكەندەردى دامىتۋعا قانشا قاراجات ءبولىندى

استانا. قازاقپارات - ەلدەگى 6,3 مىڭ اۋىلدىڭ 3,5 مىڭىنىڭ دامۋ الەۋەتى جوعارى. ۇكىمەت وتىرىسىندا ۇلتتىق ەكونوميكا ءمينيسترى الىبەك قۋانتىروۆ وسىنداي دەرەك كەلتىردى، دەپ حابارلايدى قازاقپارات ءتىلشىسى.
None

«قازىرگى تاڭدا رەسپۋبليكادا 6295 اۋىلدىق ەلدى مەكەن بار. وندا 7,5 ميلليون اۋىل تۇرعىنى نەمەسە حالىقتىڭ %38 تۇرادى. سول اۋىلداردىڭ ىشىنەن دامۋ الەۋەتى جوعارى 3,5 مىڭ اۋىل ىرىكتەلىپ الىندى. وندا اۋىل تۇرعىندارىنىڭ %93 تۇرادى»، - دەدى ول.

مينيستر اۋىلداردىڭ ينفراقۇرىلىمىن دامىتۋ «اۋىل - ەل بەسىگى» باعدارلاماسى شەڭبەرىندە باسىم تارتىپپەن جۇزەگە اسىپ جاتقانىن اتاپ ءوتتى.

«اۋىل - ەل بەسىگى» باعدارلاماسى بويىنشا 2019-2022-جىلدارى رەسپۋبليكالىق بيۋجەتتەن 326 ميلليارد تەڭگە ءبولىنىپ، 3,7 مىڭنان استام جوبا ىسكە اسىرىلدى. بۇل تۇرعىن ءۇي- كوممۋنالدىق شارۋاشىلىق سالاسىنداعى 334 وبەكتىنى، 1200 الەۋمەتتىك نىساندار مەن 2 مىڭنان استام كولىك ينفراقۇرىلىمى وبەكتىلەرىن سالۋعا جانە جوندەۋگە مۇمكىندىك بەردى. بيىل جالپى 771 اۋىلدىق ەلدى مەكەندە 1800 جوبانى ىسكە اسىرۋ ءۇشىن 218,2 ميلليارد تەڭگە ءبولىندى.

ونىڭ ىشىندە تۇرعىن ءۇي-كوممۋنالدىق شارۋاشىلىق سالاسىنداعى 244 جوبا، 383 الەۋمەتتىك نىساندار جانە اۋىلىشىلىك جولداردى جاقسارتۋ بويىنشا 1200 جوبا ىسكە اسىرىلىپ جاتىر»، - دەدى ۆەدومستۆو باسشىسى.

سوڭعى جاڭالىقتار