22:29, 25 - شىلدە 2023 | GMT +5
فۋتبولدان ق ر ايەلدەر قۇراماسىنا باس باپكەر تاعايىندالدى
استانا. قازاقپارات - ماديار كەمبىلوۆ قازاقستان ايەلدەر قۇراماسىنىڭ جاڭا باس باپكەرى بولىپ تاعايىندالدى، دەپ حابارلايدى قازاقپارات ق ر فۋتبول فەدەراتسياسىنا سىلتەمە جاساپ.

م. كەمبىلوۆ باپكەرلىك مانسابىن 2005-جىلى باستادى. «ورداباسى U-16»، «اكادەميا وڭتۇستىك»، «تۇران ج»، «ياسسى» سياقتى كلۋبتاردا جاتتىقتىرۋشى قىزمەتىن اتقارعان. قازىرگى تاڭدا «بيىك-شىمكەنت» قىزدار كومانداسىنىڭ باس باپكەرى مىندەتىن قاتار اتقارادى. بۇعان دەيىن بۇل قىزمەتتە رەسەيلىك مامان الەكساندر سەمەنوۆ بولعان ەدى.
ايتا كەتەيىك، قازاقستان ايەلدەر قۇراماسى بيىل ۋ ە ف ا ۇلتتار ليگاسىنا قاتىسادى. جەرەبە قورىتىندىسى بويىنشا وتاندىق كوماندا س ليگاسىنىڭ ءتورتىنشى توبىنا ءتۇسىپ، وندا يزرايل، ەستونيا جانە ارمەنيامەن وينايدى. توپتىق كەزەڭ ماتچتارى 20- قىركۇيەكتە باستالىپ، 2023-جىلدىڭ 5- جەلتوقسانىنا دەيىن جالعاسادى.