برۋسەللەز اۋرۋى ادامعا قالاي جۇعادى؟
وسى ورايدا دەنساۋلىق ساقتاۋ مينيسترلىگى اۋرۋدىڭ الدىن الۋ جولدارىن ۇسىندى.
ادام برۋسەللەزدى مىناداي جاعدايدا جۇقتىرۋى مۇمكىن:
- اۋرۋ مالمەن (ۇساق جانە ءىرى قارا مال، شوشقا) جانە يتپەن بايلانىستا بولعان جانە سويعان كەزدە، ونىڭ ىشىندە تۋۋى كەزەڭىندە.
- اۋرۋ جانۋارلاردىڭ شيكى ەتى مەن ءسۇت ونىمدەرىن قولدانۋ كەزىندە؛
- اۋرۋ جانۋارلاردىڭ ءجۇنى مەن تەرىسىن وڭدەۋ كەزىندە.
برۋسەللەزدىڭ بەلگىلەرى:
بۋىندارداعى، ارقاداعى ءۇزىلىسسىز اۋىرسىنۋ، كۇشتىڭ تومەندەۋى، دەنە تەمپەراتۋراسىنىڭ جوعارىلاۋى (ۇزاق ۋاقىت)، تەرشەڭدىك، السىزدىك، تابەتتىڭ تومەندەۋى، سالماق.
نەگىزگى ەسكەرتۋ شارالارى:
- جانۋارلاردى برۋسەللەزگە تەكسەرىپ، مال دارىگەرىنە اۋرۋ جانە تۇسىك تۋرالى حابارلاڭىز؛
- مال سويۋ جانە مال باعۋ كەزىندە جەكە گيگيەنا ەرەجەلەرىن ساقتاڭىز، جۇمىس كيىمىن قولدانىڭىز؛
- بالالاردى، جاسوسپىرىمدەردى، جۇكتى ايەلدەردى مالدىڭ تۋۋى كەزەڭىندە جۇمىسقا تارتپاڭىز؛
- دالاداعى ساۋدا ورىندارىندا ەت جانە ءسۇت ونىمدەرىن ساتىپ الماڭىز.
