جازدا سۋىق تيۋدەن قالاي ساقتانامىز؟

استانا. قازاقپارات - قازىر اپتاپ ىستىق بولعانىمەن، اينالامىزداعى ادامداردىڭ كوپشىلىگىنە سۋىق ءتيىپ، اۋىرىپ جاتىر. بۇعان ۋاقىتشا دەپ، بەي- جاي قاراۋعا بولمايدى.

ويتكەنى جازدا ج ر ۆ ي قوزدىرعىشتارى (و ر ۆ ي/ءجىتى رەسپيراتورلىق ۆيرۋستىق ينفەكسيا) ومىرشەڭ بولادى. ءبىز بۇگىن جازدا سۋىق تيگەندە قالاي ەمدەلگەن دۇرىس دەگەن ساۋالعا جاۋاپ ۇسىندى.

جىلدىڭ باسقا مەزگىلىندە اۋىرعان بولەك، ال جازدا ءتىپتى مازاڭ قاشادى. ىستىق كۇندە جوتەلىپ، مۇرىننان سۋ اعىپ جاتقانىنان مازاڭ كەتەدى. كەيبىرىنىڭ قىزۋى كوتەرىلىپ، ءتىپتى قاتتى اۋىرادى. ماماندار بۇعان اۋا رايىنىڭ كۇرت ىسىپ، كۇننىڭ تۇسكەنى سەبەپ دەيدى. سەبەبى كۇن ساۋلەسىنىڭ اسەرىنەن يممۋنيتەت السىرەيدى. ودان بوساڭسىعان اعزاداعى پاتوگەندى ميكروبتار بەلسەنە تۇسەدى ەكەن.

ىستىقتان قاشقان جان سالقىن سۋ مەن بالمۇزداققا قۇمارتادى. سونىمەن قاتار كونديتسيونەردى ءجيى قوسىپ، سۋعا تۇسكىسى كەلىپ تۇرادى. مۇنىڭ كەسىرىنەن اعزادا جىلۋ الماسۋ قىزمەتى بۇزىلادى.

ال ەندى قالاي ەمدەلۋ كەرەك دەگەن سۇراققا جاۋاپ ىزدەپ كورەلىك. كوبىرەك سۋ ىشكەن دۇرىس. ول دەنەدەگى ميكروبتار ۆيرۋستاردى ىدىراتۋعا كومەكتەسەدى. ادام ىستىقتا قاتتى تەرلەيتىندىكتەن، بويىنداعى سۇيىقتىعى ازايادى. سول ءۇشىن ورنىن تولتىرۋ كەرەك. سونداي- اق جىلى سۋ ىشۋگە ادەتتەنىڭىز.

جاز - جەمىس-جيدەكتەر مەن كوكونىستەرگە باي مەزگىل. سۋىققا قارسى كۇرەسەمىن دەسەڭىز، س دارۋمەنىنە باي قاراقات، تاڭقۋراي، كوكجيدەكتى ءجيى جەۋگە كەڭەس بەرەمىز. دۇكەندىكىنەن گورى جەمىستەردەن جاسالعان كومپوتتاردى دايىنداعانىڭىز ابزال.

ءوز بەتىڭىزشە ەمدەلەمىن دەپ، ينگالياتسيا قولدانباڭىز. دارىگەرلەر ادامنىڭ قىزۋى ودان سايىن كوتەرىلىپ كەتەدى دەپ، بۇل ادىسپەن ۇيدە ەمدەلۋگە قارسىلىق بىلدىرەدى.

كەي ادامدار بۇلاي اۋىرعانىنا تىم جەڭىل قارايدى. جازىلىپ كەتەمىن دەپ ويلاپ، ۋاقىت سوزىپ الادى. ءبىراق تاماعىڭىز جۇتىندىرماي، تەمپەراتۋراڭىز كوتەرىلىپ، جوتەلىپ، كەۋدە تۇسىڭىز اۋىرىپ تۇرسا، دارىگەرگە مىندەتتى تۇردە بارۋ كەرەك.

سىرتقا شىعۋعا، كەز كەلگەن ورىنعا بارا بەرسەڭىز بولادى. ءبىراق جەلدەن، كونديتسيونەردەن قاشقانىڭىز دۇرىس. تولىق ەمدەلىپ بولمايىنشا، وزىڭىزگە كۇتىم جاساڭىز.

جازدا كوپشىلىگى شەتەلدەردە دەمالعاندى ۇناتادى. الايدا ەگەر ءسىز ەكزوتيكالىق ەلگە بارعىڭىز كەلسە، مىنا نارسەلەردى ەسكەرىڭىز:

ءسىز باراتىن ايماقتا ءجيى كەزدەسەتىن جۇقپالى اۋرۋلاردىڭ ءتىزىمىن ءبىلىڭىز؛

وسى ينفەكسيالاردىڭ قالاي جۇرەتىنىن انىقتاڭىز؛

اۋرۋدىڭ الدىن الۋ شاراسىن جاساڭىز (كەرەك بولسا، ۆاكسيناتسيا جاساعان دۇرىس)؛

قاجەت بولعان جاعدايدا مەديتسينالىق كومەك كورسەتۋ ءۇشىن ساقتاندىرۋ ءپوليسىن راسىمدەڭىز (بۇل جۇقپالى اۋرۋلارعا عانا ەمەس، دەنساۋلىقتىڭ ناشارلاۋىنا بايلانىستى باسقا فورس- ماجورلارعا دا كومەكتەسەدى).

العاشقى كۇدىكتى بەلگىلەر پايدا بولعان كەزدە دارىگەرگە قارالىڭىز. ەگەر ۇيگە ورالعاننان كەيىن دەنساۋلىعىڭىز ناشارلاسا، دارىگەرگە قاي ەلگە بارعانىڭىزدى جاسىرماي ايتىڭىز.

bugin.kz