الداعى ءۇش كۇندە ەلدىڭ وڭتۇستىك- شىعىسىندا وتە قاتتى ىستىق بولادى

استانا. قازاقپارات - قازگيدرومەت سينوپتيكتەرى 18-20-شىلدە ارالىعىنا ارنالعان ءۇش كۇندىك اۋا رايى بولجامىن جاريالادى، دەپ حابارلايدى قازاقپارات.

الداعى تاۋلىكتەردە قازاقستاننىڭ سولتۇستىك جارتىسىنا اتموسفەرالىق فرونتتار ىقپال ەتەدى.

سونىڭ اسەرىنەن جاڭبىر مەن بۇرشاق جاۋادى، نايزاعاي جارقىلداپ، ەكپىندى جەل سوعادى.

18-19-شىلدەدە - باتىستا، سولتۇستىك- باتىستا، 18-20-شىلدەدە - سولتۇستىكتە جانە سولتۇستىك- شىعىستا قاتتى جاڭبىر جاۋادى.

قازاقستاننىڭ قالعان اۋماعى سولتۇستىك- باتىس انتيسيكلونىنىڭ ىقپالىندا بولادى.

وسىعان بايلانىستى نەگىزىنەن جاۋىن-شاشىنسىز اشىق اۋا رايى ساقتالادى.

18-19-شىلدەدە كۇندىز رەسپۋبليكانىڭ وڭتۇستىك- شىعىسىندا 40-42 گرادۋس وتە قاتتى ىستىق بولادى.