گرانتقا قۇجات تاپسىرعانداردىڭ دەنى قاي ماماندىقتى تاڭدادى
تالاپكەرلەردىڭ تاڭداۋى ىشىندە ەڭ سۇرانىسقا يە باعىتى رەتىندە «پەداگوگيكالىق عىلىمدار» قالىپ وتىر، وعان 8 مىڭعا جۋىق وقۋعا ءتۇسۋشى قۇجات تاپسىرعان.
ەكىنشى ورىندا ورنالاسقان «ينجەنەرلىك، وڭدەۋ جانە قۇرىلىس سالالارىنا» 6 مىڭنان استام ءوتىنىش قابىلداندى. قىزىقتى توپ-3 باعىتقا «اقپاراتتىق- كوممۋنيكاتسيالىق تەحنولوگيالار» باعىتى كىردى. 5 مىڭعا جۋىق ادام IT سالاسىنا ءتۇسۋدى جوسپارلاپ وتىر.
«ءبىلىم بەرۋ گرانتتارىن تاعايىنداۋ كونكۋرسىنا وتىنىشتەر قابىلداۋ 20 شىلدەگە دەيىن جۇرگىزىلەدى. قۇجاتتاردى قابىلداۋ eGov ارقىلى ونلاين فورماتتا نەمەسە ج و و-لاردىڭ قابىلداۋ كوميسسيالارى ارقىلى وفلاين فورماتتا جۇزەگە اسىرىلادى. سونداي-اق، ج و و-دا ۆيرتۋالدى قابىلداۋ كوميسسياسى جۇمىس ىستەيتىن بولادى. قۇجاتتاردى كەز كەلگەن ج و و (ورنالاسقان جەرى بويىنشا) ارقىلى تاپسىرۋعا بولادى»، - دەلىنگەن مينيسترلىك مالىمەتىندە.
ەستەرىڭىزگە سالا كەتسەك، 135 مىڭ ادام ۇ ب ت-دا شەكتى بالل جيناعان، ولار گرانت كونكۋرسىنا قاتىسا الادى.
