تالدىقورعاندىق ستۋدەنتتەر ساباققا قاتىسۋدى قاداعالايتىن قوسىمشا ازىرلەدى
ستۋدەنتتەر وقۋ ورنىنىڭ كىرەبەرىسىنە قويىلعان QR- كودتاردى پايدالانىپ، ساباققا كەلگەندەرىن راستايتىن بولادى. ول سەرۆەرگە اۆتوماتتى تۇردە جازىلادى. قوسىمشا - ساباققا قاتىسۋدى ەسەپكە الۋ جانە باقىلاۋدىڭ ءتيىمدى جولى.
«QR- كود ارقىلى ستۋدەنتتەردىڭ ساباققا كەلۋىن باقىلاۋ وقۋ ورنى ءۇشىن ىڭعايلى، ءبىلىم الۋشىلاردىڭ دا جاۋاپكەرشىلىگىن ارتتىرادى. ءار ستۋدەنت كەلگەن بويدا QR- كودتى تەلەفون ارقىلى سكانەرلەيدى. ونىڭ قاي ۋاقىتتا كەلگەنى اۆتوماتتى تۇردە بازاعا ەنگىزىلەدى. ۇيدە وتىرىپ سۋرەت ارقىلى سكانەرلەۋ مۇمكىن ەمەس. سوندىقتان، سەسسيا كەزىندە ءار ستۋدەنتتىڭ ۇلگەرىمى مەن ساباققا قاتىسۋى انىق كورىنەدى. بۇل - ستۋدەنتتەر اراسىندا سىبايلاس جەمقورلىققا قارسى مادەنيەتتى قالىپتاستىرۋعا جاسالعان قادامنىڭ ءبىرى»، - دەيدى كوللەدج پەداگوگى، جوبا جەتەكشىسى باقتيار ساتقۇلوۆ.
جوبا قازىرگى تاڭدا تولىقتاي دايىن، پايدالانۋ ءۇشىن وقۋ جىلىنىڭ باسىندا جاڭادان قابىلدانعان ستۋدەنتتەردىڭ مالىمەتتەرىن دەرەكتەر قورىنا ەنگىزۋ قاجەت. ستۋدەنتتەر ازىرلەگەن QR- كود تالدىقورعان جوعارى پوليتەحنيكالىق كوللەدجىنە ورناتىلدى. الدا وبلىستىڭ بارلىق كوللەدج، جوعارعى وقۋ ورىندارىنا ۇسىنىلماق.
