ەرلان سايروۆ: زاڭسىز اكتيۆتەردى قايتارۋ تۋرالى قۇجات - قوعامنىڭ الەۋمەتتىك ادىلەتتىلىككە دەگەن سۇرانىسىنا جاۋاپ

استانا. قازاقپارات - زاڭسىز يەمدەلگەن اكتيۆتەردى مەملەكەتكە قايتارۋ تۋرالى زاڭنىڭ قابىلدانۋى قوعامنىڭ الەۋمەتتىك جانە مورالدىق ادىلەتتىلىككە دەگەن جاپپاي سۇرانىسىنا لايىقتى جاۋاپ بولدى. وسىنداي پىكىرىن ق ر پارلامەنتى ءماجىلىسىنىڭ دەپۋتاتى ەرلان سايروۆ ايتتى، دەپ حابارلايدى قازاقپارات ءتىلشىسى.

«بۇل زاڭ - ەلىمىزدە الەۋمەتتىك ادىلەتتىلىكتى قۇرۋدىڭ وتە ماڭىزدى تەتىگى، ويتكەنى 30 جىل ىشىندە ەلدە، ارينە، ەكونوميكالىق رەفورمالار جۇرگىزىلىپ، بەلگىلى ءبىر دامۋ بولدى. ءبىراق ەلىمىزدىڭ ازاماتتارى مەن رەزيدەنت ەمەس ازاماتتاردىڭ وتە شەكتەۋلى بولىگى قازاقستاننىڭ ۇلتتىق بايلىعىنىڭ نەگىزگى بولىگىن يەمدەنگەنىن جوققا شىعارا المايمىز. پرەزيدەنت قاسىم- جومارت توقايەۆ تەك 162 ادام - ەلىمىزدىڭ ەڭ باي ادامدارى ەكەنىن جانە قازاقستاننىڭ جالپى ىشكى ءونىمىنىڭ جارتىسىنان استامىن يەلەنەتىنىن اتاپ وتكەنى ەستە شىعار. سوندىقتان ەرتە مە، كەش پە، الەۋمەتتىك ادىلەتتىلىك ورناۋى كەرەك جانە بۇل زاڭ زاڭسىز ساتىپ الىنعان اكتيۆتەردى بىرتىندەپ ەۆوليۋتسيالىق قايتارۋ مەحانيزمى بولىپ تابىلادى»، - دەدى ءماجىلىس دەپۋتاتى تەلەفون ارقىلى اڭگىمەلەسكەندە بەرگەن تۇسىندىرمەسىندە.

ونىڭ ايتۋىنشا، زاڭ وتە ماڭىزدى ءارى قاجەت. ەڭ باستىسى قۇجاتتا زاڭسىز ساتىپ الىنعان اكتيۆتەردى قايتارۋدىڭ ناقتى مەحانيزمى بار.

«ەگەر مەملەكەت بۇل اكتيۆتىڭ زاڭسىز ساتىپ الىنعانىن دالەلدەسە، ونى الىپ قويۋعا بولادى. سوندىقتان بۇل زاڭ تۇرعىسىنان وتە ماڭىزدى. ناقتى زاڭدى مەحانيزم بار. مەنىڭ ويىمشا، بۇل زاڭ قاجەت. بۇل ەل حالقىنىڭ ۇلكەن بولىگىنىڭ تىلەگى. ءبىز ايماقتارعا بارعان كەزىمىزدە كوپتەگەن تۇرعىندار كەيبىر ادامداردىڭ «كولەڭكەلى» جولمەن تابىلعان اكتيۆتەرى بار ەكەنىن، ولاردىڭ قاشان قايتارىلاتىنىن سۇرادى. بۇل قوعامنىڭ الەۋمەتتىك جانە ادامگەرشىلىك ادىلەتتىلىككە قاتىستى تۋىنداعان جاپپاي سۇراعىنا جاۋاپ دەپ وايلايمىن»، - دەپ تولىقتىردى ەرلان سايروۆ.

ەسكە سالا كەتەيىك، مەملەكەت باسشىسى زاڭسىز يەمدەلگەن اكتيۆتەردى مەملەكەتكە قايتارۋ تۋرالى زاڭعا قول قويدى.

اۆتور:

ايجان سەرىكجان قىزى