قوستانايلىق وقۋشى الەمدەگى ەڭ مىقتى ماتەماتيكا بىلگىرلەرىنىڭ قاتارىنا ەندى

قوستاناي. قازاقپارات - قوستانايدان كەلگەن وقۋشى جان ءداۋىتوۆ حالىقارالىق ماتەماتيكالىق وليمپيادادا «قولا» مەدال جەڭىپ الدى، دەپ حابارلايدى قازاقپارات ءتىلشىسى قوستاناي وبلىسى ءبىلىم باسقارماسىنىڭ باسپا ءسوز قىزمەتىنە سىلتەمە جاساپ.

«2-13- شىلدە ارالىعىندا چيبا قالاسىندا (جاپونيا) 64- حالىقارالىق ماتەماتيكالىق وليمپيادا ءوتتى. وليمپيادا قورىتىندىسى بويىنشا دارىندى بالالارعا ارنالعان» ءبىلىم- يننوۆاتسيا«مامانداندىرىلعان ليتسەي- ينتەرناتىنىڭ 10- سىنىپ وقۋشىسى جان ءداۋىتوۆ قولا مەدال جەڭىپ الدى. بۇل - قوستاناي وبلىسىنىڭ تاريحىندا 15 جىلدا العاش رەت بولعان وسىنداي ماڭىزدى جەتىستىك. ليتسەيدە جىلدار بويى العان ءبىلىم ءوز جەمىسىن بەردى»، - دەپ حابارلادى ۆەدومستۆودان.

بۇل جاس قوستانايلىقتىڭ العاشقى ماڭىزدى ماراپاتى ەمەس. وسى وقۋ جىلىندا جان رەسپۋبليكالىق وقۋشىلار وليمپياداسىنىڭ، گەومەتريا بويىنشا يران وليمپياداسىنىڭ، حالىقارالىق ازيا- تىنىق مۇحيتى ماتەماتيكالىق وليمپياداسىنىڭ التىن مەدالىن، «جىبەك جولى» حالىقارالىق وليمپياداسى جانە حالىقارالىق جاۋتىكوۆ وليمپياداسىنىڭ كۇمىس جۇلدەسىن، بالقان ماتەماتيكالىق وليمپياداسىنىڭ قولا مەدالىن جەڭىپ العان.

جاننا مۇسابايەۆا