اقمولا ديقاندارى اقبوكەننىڭ كوپتىگىنە بايلانىستى دابىل قاعادى
جارقايىڭ اۋدانىنداعى ەڭ ءىرى شارۋا قوجالىعىنىڭ يەسى تەمىرحان جانگەلديننىڭ ايتۋىنشا، بيىل اقبوكەن بىلتىرعىدان دا كوپ.
«ولاردىڭ تارالۋ ايماعى ارتتى، اقبوكەندەر ءبىزدىڭ اۋداننىڭ اۋماعىنا ەتەنە ەندى. ۆاگونداردى قورشاۋ الاڭدارىنا قويامىز، كۆادروسيكلدار ساتىپ الدىق، جانۋارلاردى ايداۋ ءۇشىن ادامداردى جالدايمىز، ءبىراق ناتيجە جوق. بۇل جاعدايدى قۇرعاقشىلىق تا ناشارلاتىپ وتىر. ول داقىلدارعا اسەر ەتەدى، ال اقبوكەندەر ونسىز دا ءالسىز داقىلدى تاپتاپ جاتىر»، - دەيدى فەرمەر.
وتكەن جىلى وبلىستىڭ اۋىل شارۋاشىلىعى تاۋارىن وندىرۋشىلەرى جالپى الىمدا دا، ماتەريالدىق تۇرعىدا دا زور شىعىنعا ۇشىراعان. اقبوكەندەردىڭ اۋىل شارۋاشىلىعى داقىلدارىن بۇلدىرۋىنەن كەلتىرىلگەن زالال 8 ميلليارد تەڭگەدەن استى (1 گ ا ءۇشىن 55 مىڭ تەڭگە ەسەبىنەن). مىسالى، ەگىندىكول اۋدانىندا 45 مىڭ گەكتاردان استام، استراحان اۋدانىندا - 22 مىڭ، جاقسى اۋدانىندا - 19 مىڭ، جارقايىڭ اۋدانىندا - 10 مىڭ گەكتارعا جۋىق ەگىس القابى بۇلىنگەن.
ديقاندار ەگىستىكتەرىن قىزىل كىتاپقا ەنگەن جانۋاردىڭ شابۋىلىنان ساقتاندىرا دا المايدى، ويتكەنى ساقتاندىرۋدىڭ ونداي ءتۇرى جوق. وسى ورايدا، اقمولا وبلىسى كاسىپكەرلەر پالاتاسىنىڭ ساراپشىلارى ءبىرقاتار ۇسىنىس جاسادى. اتاپ ايتقاندا، ۋاكىلەتتى ورگاندار، «وحوتزووپروم» ءو ب» ر م ق ك مامانداندىرىلعان ۇيىمىنىڭ كۇشىمەن اقبوكەندەردىڭ سانىن رەتتەۋ قاجەتتىگىن العا تارتتى.
«اقبوكەندەردىڭ كوشى- قونى جولىندا مامانداندىرىلعان جەم- ءشوپ الاڭدارىن انىقتاۋ بويىنشا جۇمىستى جولعا قويۋ، قورشاۋدى دايىنداۋ جانە ورناتۋ ءۇشىن رەسپۋبليكالىق بيۋدجەتتەن قاراجات كوزدەۋ قاجەت. سونداي- اق، ورتالىق دەڭگەيدە اقبوكەندەردىڭ كەلتىرگەن زالالىن باعالاۋ ءۇشىن قۇزىرەتتى مەملەكەتتىك ورگانداردىڭ وكىلدەرى مەن تاۋەلسىز ساراپشىلار قاتارىنان كوميسسيا قۇرۋ، زالالدى وتەۋ ءۇشىن مەملەكەتتىك قازىنادان قاراجات ءبولۋ مۇمكىندىگىن قاراستىرۋ قاجەت»، - دەپ سانايدى وڭىرلىك كاسىپكەرلەر پالاتاسىنىڭ ا و ك ءبولىمىنىڭ باستىعى جايسان بەكقوجين.
ايتكە كەتسەك، اقبوكەندەردى اۋلاۋعا تىيىم سالىنعانى بەلگىلى، كيەلى جانۋار يۋنەسكو- نىڭ قورعاۋىندا.
