ب ۇ ۇ- نىڭ ادام قۇقىقتارى جونىندەگى كەڭەسى قۇراندى ورتەۋ ارەكەتىن ايىپتادى

استانا. قازاقپارات – ب ۇ ۇ- نىڭ ادام قۇقىقتارى جونىندەگى كەڭەسى باتىس ەلدەرىنىڭ نارازىلىق تانىتۋىنا قاراماستان قۇراندى ورتەۋ ارەكەتىن ايىپتادى، دەپ حابارلايدى قازاقپارات تۇركيانىڭ انادولى اگەنتتىگىنە سىلتەمە جاساپ.

جەنيەۆادا يسلام ىنتىماقتاستىق ۇيىمىنىڭ باستاماسىمەن وتكەن ب ۇ ۇ- نىڭ ادام قۇقىقتارى جونىندەگى كەڭەسىنىڭ ارناۋلى 53-سەسسياسىندا قۇراندى قورلاۋ ارەكەتتەرىن ايىپتاۋ قارارىنىڭ جوباسى تالقىلاندى. داۋىس بەرۋگە 47 ەل قاتىستى.

قۇجاتتىڭ قابىلدانۋىنا 28 ەل داۋىس بەرسە، 12 ەل قارسى بولدى، ال 7 مەملەكەت قالىس قالدى.

الجير، ارگەنتينا، بانگلادەش، بوليۆيا، كامەرۋن، قىتاي، كوت- ديۆۋار، كۋبا، ەريترەيا، گابون، گامبيا، ءۇندىستان، قازاقستان، قىرعىزستان، مالاۆي، مالايزيا، مالديۆ، ماروككو، پاكىستان، قاتار، سەنەگال، سومالي، وار، سۋدان، ۋكراينا، بىرىكككەن اراب امىرلىكتەرى، وزبەكستان جانە ۆەتنام قاراردىڭ قابىلدانۋىن جاقتاپ داۋىس بەردى.

بەلگيا، كوستا- ريكا، چەحيا، فينليانديا، فرانسيا، گەرمانيا، ليتۆا، ليۋكسەمبۋرگ، چەرنوگوريا، رۋمىنيا، ۇلى بريتانيا جانە ا ق ش قارسىلىق تانىتتى.

پاراگۆاي، نەپال، مەكسيكا، گوندۋراس، گرۋزيا، بەنين جانە چيلي قالىس قالدى.

تۇركيانىڭ داۋىس بەرۋگە قۇقىعى جوق. سەبەبى ونىڭ ب ۇ ۇ ادام قۇقىقتارى جونىندەگى كەڭەسىنىڭ بايقاۋشىسى مارتەبەسى بار.

اۆتور:

مارلان جيەمباي