قازاقستان ورتالىق ازيانى كولىك- لوگيستيكالىق توراپقا اينالدىرۋ ۇسىنىسىن قولدايدى - مينيستر

استانا. قازاقپارات - قازاقستان ورتالىق ازيانى كولىك- لوگيستيكالىق تورابىنا اينالدىرۋعا ۇمتىلادى. ەلوردادا ءوتىپ جاتقان ازياداعى قاۋىپسىزدىك جانە ىنتىماقتاستىق فورۋمىندا ءسوز سويلەگەن سىرتقى ىستەر ءمينيسترى مۇرات نۇرتىلەۋ وسىلاي ءمالىم ەتتى، دەپ حابارلايدى قازاقپارات ءتىلشىسى.

«ءبىزدىڭ الەمنىڭ ەشقاشان تىنىش بولماعانى بەلگىلى. قازىر بەتپە- بەت كەلىپ وتىرعان ماسەلەر بەلگىلى ءبىر دەڭگەيدە قاۋىپ ءتوندىرۋى مۇمكىن. وسىلاردى ەسكەرە وتىرىپ، قازاقستان كوپۆەكتورلى، سىندارلى ساياساتتى جالعاستىرىپ كەلەدى. سونداي- اق، ءبىز بىرىككەن ۇلتتار ۇيىمىنىڭ جارعىسىندا جانە حالىقارالىق قۇقىقتا بەكىتىلگەن قۇندىلىقتار مەن قاعيدالاردى بەرىك ۇستانامىز. بۇعان قوسا، ازيانىڭ ەكونوميكالىق جانە ساسي تۇرعىدان شەشۋشى ءرول اتقاراتىنى بەلگىلى. قازاقستان ءوز تاراپىنان ازيانىڭ ۇزاق مەرزىمدى جانە تۇراقتى دامۋىن قامتاماسىز ەتۋگە باعىتتالعان باستامالاردى كوتەرىپ وتىرادى»، - دەدى مۇرات نۇرتىلەۋ.

مينيستر اتاپ وتكەندەي، قازاقستان ورتالىق ازيا ەلدەرى ارقىلى وتەتىن تاۋار كولەمىن ارتتىرۋ ماقساتىندا قولدانىستا بار دالىزدەردى دامىتۋعا جانە جاڭا باعىتتار اشۋعا اسا كوڭىل بولۋدە.

«قازاقستان ورتالىق ازيانى كولىك- لوگيستيكالىق تورابىنا اينالدىرۋعا ۇمتىلادى. ءبىز سولتۇستىك- وڭتۇستىك جانە شىعىس- باتىس باعىتىنداعى ترانسقۇرلىقتىق كولىك ءدالىزىن، سونىڭ ىشىندە ترانسكاسپي كولىك مارشرۋتىن دامىتۋدى قولدايمىز جانە جالعاستىرامىز»، - دەپ تۇيىندەدى مينيستر.

ەسكە سالايىق، بۇعان دەيىن ەلوردادا ازياداعى قاۋىپسىزدىك جانە ىنتىماقتاستىق فورۋمى ءوتىپ جاتقانىن حابارلاپ ەدىك. وعان ازيا ەلدەرىنەن كەلگەن 60-تان استام ساراپشى قاتىسىپ جاتىر.

اۆتور:

ءاليحان اسقار