بۋرابايداعى قاراعاي ينەلەرىنەن اسكوربين قىشقىلىن وندىرۋگە بولادى
گاۋحار امان جەتەكشىسىمەن بىرگە زەرتتەۋ جۇرگىزىپ، قاراعاي ينەلەرىندەگى اسكوربين قىشقىلىن انىقتاپ، ونى ادام اعزاسىنا جەتپەيتىن س ۆيتامينىن تولىقتىرۋ ءۇشىن پايدالانۋدى ۇسىنىپ وتىر.
«ءبىز زەرتتەۋدى كۇز جانە قىس مەزگىلىندە قاراعاي ينەلەرىندەگى اسكوربين قىشقىلىنىڭ قۇرامىن انىقتاۋدان باستادىق. شۋچە- بۋراباي كۋرورتتىق ايماعىنداعى قاراعاي ينەلەرىندەگى س ۆيتامينىنىڭ ماۋسىمدىق وزگەرگەرىستەرىن تالدادىق. الىنعان دارۋمەندى وقۋشىلاردىڭ دەنساۋلىعىن نىعايتۋ ءۇشىن پايدالانۋعا ۇسىنىمدار بەردىك»، - دەيدى جوبا جەتەكشىسى، گەوگرافيا ءپانىنىڭ مۇعالىمى ايگەرىم ەسماقوۆا.
گاۋحار اماننىڭ ايتۋىنشا، دارۋمەن قۇرامى جىل مەزگىلىنە ساي وزگەرۋى مۇمكىن، سونداي- اق، اسكوربين قىشقىلىنىڭ مولشەرى دە ءتۇرلى تەمپەراتۋرادا وزگەرىسكە ۇشىرايدى.
«زەرتتەۋ نىسانى - شۋچە- بۋراباي ولكەسىنىڭ تازا اۋداندارىندا وسەتىن قاراپايىم قاراعاي ينەلەرى. سالىستىرمالى تۇردە ولاردىڭ قۇرامىنداعى اسكوربين قىشقىلىن زەرتتەدىك. گيپوتەزانى دالەلدەۋ ءۇشىن كۇز بەن قىس مەزگىلىندە قاراعاي ينەلەرىندەگى اسكوربين قىشقىلىن جىلى جانە سالقىن كەزدە يودومەتريا ادىسىمەن انىقتادىق»، - دەيدى وقۋشى.
زەرتتەۋ ناتيجەسىندە قاراعاي ينەلەرىندەگى س دارۋمەنى اۋا تەمپەراتۋراسىنىڭ تومەندەۋى مەن ماۋسىمدىق وزگەرگەرىستەرگە بايلانىستى ەكەنى دالەلدەندى. قىلقانجاپىراقتى وسىمدىك س دارۋمەننىڭ بالامالى كوزى، ودان توساپ نە قايناتپا ازىرلەپ، تۇماۋ مەن جۇقپالى اۋرۋلاردىڭ الدىن الۋعا بولادى.
