ەرتەڭ تۇركىستان وبلىسىندا قاتتى ىستىق بولادى
«قازگيدرومەت» ر م ك تۇركىستان وبلىسى بويىنشا فيليالىنىڭ ينجەنەر- سينوپتيك مامانى اسەم نۇرلىبايەۆانىڭ ايتۋىنشا الداعى ءۇش كۇندە وڭىردە جاۋىن- شاشىنسىز اۋا رايى مەن اپتاپ ىستىق ساقتالادى.
ءوڭىردىڭ باسىم بولىگىندە اۋا تەمپەراتۋراسى 37-42 گرادۋس ارالىعىندا.
ال، وبلىستىڭ باتىسىنداعى ءشولدى اۋدانداردا اۋا تەمپەراتۋراسى 45 گرادۋسقا دەيىن كوتەرىلەدى دەپ بولجانىپ وتىر.
«تۇركىستان قالاسىندا 12-شىلدە كۇندەرى كۇن رايى 40-42 گرادۋس، 13-شىلدەدە 45 گرادۋس بولادى. شىمكەنت قالاسىندا 12-شىلدەدە كۇن رايى 37-39 گرادۋس، 13-شىلدەدە 40-42 گرادۋسقا دەيىن كوتەرىلەدى. جاۋىن-شاشىن جاقىن ارادا جاۋمايدى، وسىعان بايلانىستى وبلىس كولەمىندە توتەنشە ءورت قاۋپى ساقتالادى. وبلىستىڭ تاۋلى اۋماعىنداعى اۋدانداردا جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى»، - دەيدى اسەم نۇرلىبايەۆا.
