ەلدەن قاشقانى ءۇشىن سوتتالىپ جاتقان سەرىك كۇدەبايەۆ پروتسەسسۋالدىق كەلىسىم جاساعىسى كەلەدى

قونايەۆ. قازاقپارات - قازاقستاننىڭ مەملەكەتتىك شەكاراسىن قاساقانا زاڭسىز كەسىپ ءوتتى دەپ ايىپتالىپ جاتقان سەرىك كۇدەبايەۆ قۇقىق قورعاۋ ورگاندارىمەن پروتسەسسۋالدىق كەلىسىمگە كەلمەك، دەپ حابارلايدى قازاقپارات ءتىلشىسى.

الماتى وبلىسىنىڭ كەگەن اۋداندىق سوتى حابارلاعانداي، سەرىك كۇدەبايەۆ تاراپىنان پروتسەسسۋالدىق كەلىسىم جاساۋ جونىندە ءوتىنىش تۇسكەن.

وسىعان بايلانىستى سوت ءىستى قاراۋدى ءبىر اپتادان كەيىن، 18-شىلدەدە جالعاستىراتىن بولدى.

وسى ۋاقىت ىشىندە سوتتالۋشى مەن ونىڭ قورعاۋشىسى پروتسەسسۋالدىق كەلىسىمنىڭ جاي-جاپسارىن تالقىلايدى.

ەستەرىڭىزگە سالا كەتەيىك، سەرىك كۇدەبايەۆ 28-ءساۋىر كۇنى 10 جىلعا سوتتالعان بولاتىن.

وعان لاۋازىمدىق وكىلەتتىگىن اسىرا پايدالانۋ جانە ازاپتاۋ باپتارى بويىنشا ايىپ تاعىلدى.

ول بيىلعى 30-ناۋرىز كۇنگى سوت وتىرىسىنا كەلمەدى. سوندىقتان ونى سوتقا ءماجبۇرلى تۇردە جەتكىزۋ جونىندە قاۋلى شىقتى.

ارتىنشا گەنەرالدىڭ ەلدەن قاشىپ كەتكەنى بەلگىلى بولىپ، تالدىقورعان قالالىق سوتى سەرىك كۇدەبايەۆقا حالىقارالىق ىزدەۋ جاريالادى.

27-ساۋىردە سەرىك كۇدەبايەۆ تۇركيادا ۇستالىپ، ەلگە جەتكىزىلدى.

الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆ قاڭتار وقيعاسى بويىنشا كۇدىكتى دەپ تانىلعان ەدى.