09:53, 11 - شىلدە 2023 | GMT +6
تۇركيا شۆەتسيانىڭ ناتو-عا قوسىلۋىن قولداۋعا كەلىستى
استانا. قازاقپارات - تۇركيا شۆەتسيانىڭ ناتوعا قوسىلۋىن قولداۋعا كەلىستى. بۇل تۋرالى اليانستىڭ باس حاتشىسى يەنس ستولتەنبەرگ ناتو سامميتى ءوتىپ جاتقان ۆيلنيۋستە ايتتى، دەپ حابارلايدى قازاقپارات Euronews-كە سىلتەمە جاساپ.
ستولتەنبەرگتىڭ ايتۋىنشا، تۇركيا پرەزيدەنتى رەجەپ تايىپ ەردوعان شۆەتسيانىڭ ناتو-عا قوسىلۋى تۋرالى حاتتامانى تەزىرەك پارلامەنتكە جىبەرۋىنە كەلىسكەن.
ءبىر جىل ىشىندە انكارا شۆەتسيانىڭ ناتو-عا كىرۋىنە قارسى بولدى، ال دۇيسەنبىدە ەردوعان بريۋسسەل تۇركيانى ە و-عا قابىلداۋ تۋرالى كەلىسسوزدەردى توقتاتقانعا دەيىن كەلىسىم بەرمەيتىنىن مالىمدەدى.
ا ق ش پرەزيدەنتىنىڭ مالىمدەمەسىندە دجو بايدەن تۇركيا پرەزيدەنتى رەجەپ تايىپ ەردوعاننىڭ شۆەتسيانىڭ ناتو-عا قابىلداۋىنا ۆەتو قويۋعا كەلىسىمىن قۇپتايتىنى ايتىلعان. ەۋروپالىق كەڭەستىڭ باسشىسى چارلز ميشەل Twitter-دەگى جاڭالىققا «ۆيلنيۋستەگى جاقسى جاڭالىق» دەپ پىكىر ءبىلدىردى.
