ۆيلنيۋستەگى ناتو سامميتى قاۋىپسىزدىك شارالارىنىڭ جوعارى دەڭگەيىندە وتەدى

بريۋسسەل. قازاقپارات - بۇگىن ليتۆا استاناسىندا ناتو- نىڭ ەكى كۇندىك سامميتى وتەدى. ەۋروپالىق ب ا ق سولتۇستىك اتلانت اليانسىنا مۇشە ەلدەردىڭ كەزدەسۋىنىڭ قاۋىپسىزدىگى جوعارى دەڭگەيگە بولاتىنىن اتاپ ءوتتى، دەپ حابارلايدى قازاقپارات مەنشىكت ءتىلشىسى.

جوعارى دەڭگەيدەگى شارا ليتۆا كورمە جانە كونگرەسس ورتالىعىندا (LITEXPO) وتەدى. سوعان قاراماستان جەرگىلىكتى پوليتسيا مەن قاۋىپسىزدىك قىزمەتى قالا بويىنشا قاتاڭ قاۋىپسىزدىك شاراسىن ەنگىزدى. ءبىراق، LITEXPO ماڭىندا ەڭ قاتاڭ قاۋىپسىزدىك شاراسى قابىلدانادى.

ۆيلنيۋس اۋەجايىندا جانە قالانىڭ باسقا دا ءىرى كولىك توراپتارىندا، سونىڭ ىشىندە تەمىرجول ۆوكزالدارىندا قوسىمشا باقىلاۋ شارالارى ەنگىزىلدى. بيلىك 7 -شىلدەدەن 13 -شىلدەگە دەيىن ە و ىشكى شەكارالارىندا جەكە باسىن تەكسەرۋ ەنگىزىپ، شەنگەن ەركىن قوزعالىس ەرەجەلەرىن توقتاتقانىن جاريالادى.

ناتو- عا مۇشە بىرنەشە ەل سامميتتىڭ قاۋىپسىزدىگىن قامتاماسىز ەتۋ ءۇشىن بارلىعى مىڭعا جۋىق اسكەري قىزمەتشى مەن اۋە قورعانىسىنىڭ وزىق جۇيەلەرىن ۇسىندى. سونداي- اق، ۆيلنيۋس اۋەجايىنىڭ جانىنداعى «پاتريوت» اۋە قورعانىسىنىڭ سەگىز قوندىرعىسى تۋرالى حابارلاندى.

جاۋىنگەرلىك تەحنيكادان باسقا، حيميالىق، بيولوگيالىق، راديولوگيالىق جانە يادرولىق شابۋىلدارمەن كۇرەسۋ ءۇشىن دە قاراجات جىبەرىلدى.