قازاقستان تەننيسىنىڭ ارقاسىندا الەمگە تانىلعان ەلەنا رىباكينانىڭ جەتىستىگى
«وسىدان بەس جىل بۇرىن ەلەنا رىباكينا مەكتەپتى ءبىتىرىپ، تاڭداۋ الدىندا تۇردى. جاسوسپىرىمدەر اراسىنداعى تەننيستەن الەم بويىنشا 3-ورىندا تۇرعان رىباكينا ۇلكەن تەننيسكە بارۋ نە ا ق ش ۋنيۆەرسيتەتتەرى ۇسىنعان ستيپەنديالىق باعدارلامالاردىڭ ءبىرىن قابىلداۋ تۋرالى شەشىم شىعارۋى كەرەك ەدى. وعان رەسەي ەشقانداي قارجىلاي كومەك كورسەتكەن جوق، ال كاسىبي تەننيسكە بارۋعا اتا- اناسىنىڭ قارجىسى بولعان جوق»، - دەپ جازادى باسىلىم.
رىباكينانىڭ ءوزى بىلاي دەيدى: «مەنىڭ اتا- انام، ارينە، بارلىق اتا- انا سياقتى مەنى قاتتى ۋايىمدادى. ويتكەنى قاي كەزدە جاراقات الىپ قالاتىنىڭ بەلگىسىز. ولار مەنىڭ جاقسى مەكتەپتە وقىعانىمدى قالادى» .
«وسىنداي ەكى ويدا جۇرگەن رىباكيناعا قازاقستاندىق تەننيس فەدەراتسياسىنان ۇسىنىس تۇسكەن، ءسويتىپ رىباكينا قازاقستاندا جاتتىعاتىن بولىپ، فەدەراتسيامەن كەلىسىمگە كەلدى. بۇل كەلىسىم ونىڭ ۋيمبلدون چەمپيونى اتاعىنا جەتۋ جولىنداعى شەشۋشى ءسات بولدى»، - دەپ جازادى باسىلىم.
