جەتىسايلىق شارۋالاردىڭ ءونىمى الماتى قالاسىندا دەلدالسىز ساتىلاتىن بولدى
الەۋمەتتىك جەلىدە جەتىسايلىق شارۋالاردىڭ جانايقايى تاراعان بولاتىن. وندا قاۋىن ەككەن ديقاندار جاز بويعى ەڭبەگىنىڭ دالاعا كەتىپ جاتقانىن ايتادى. سونداي- اق، قاۋىندارىن ساتا الماي، مالعا بەرۋگە ءماجبۇر بولىپ وتىرعاندىعىن جەتكىزگەن.
جەتىساي اۋدانىنىڭ اكىمدىگىنىڭ حابارلاۋىنشا، بۇدان بىلاي ءوڭىر شارۋالارى اۋىل شارۋاشىلىعى ونىمدەرىن الماتى قالاسىندا دەلدالسىز ساۋداعا شىعارۋ مۇمكىندىك جاسالىپ وتىر.
«الماتى وبلىسى ساۋدا دەپارتامەنتى باسشىلارىمەن جانە «التىن وردا» بازارى باسشىلارىمەن جۇرگىزىلگەن كەلىسسوزدەر ناتيجەسىندە جەتىساي اۋدانىنىڭ اۋىل شارۋاشىلىعى تاۋارىن وندىرۋشىلەرى ءۇشىن ءوز ونىمدەرىن دەلدالسىز قالا تۇرعىندارىنا ساتۋعا ارنالعان ارنايى تەگىن ورىن بەلگىلەندى. بەلگىلەنگەن ورىندا شارۋالار باقشا، كوكونىس ونىمدەرىن ساتا الادى. ول ءۇشىن باقشا، كوكونىس داقىلدارىن ءوسىرۋشى شارۋالار جەرگىلىكتى اۋىلدىق وكرۋگ اكىمشىلىگىنەن انىقتاما الىپ، وزدەرىمەن بىرگە الىپ بارۋلارى قاجەت» - اۋدان اكىمدىگى تاراتقان دەلىنگەن اقپاراتتا.
